त्यसो त हिजआज करिब दुई तिन हजार रुपैयामा नयाँ मल्टिमेडिया मोबाइल सेट किन्न पाइहालिन्छ । फेरी चाइनिज मोबाइल ले त ९० प्रतिशत ग्राहक आकर्षित गर्न सफल भएको छ भन्दा दुईमत नहोला । थोरै मूल्यमा ठूलो स्क्रिन, ठूलो साउन्ड, दुई वटा सिमकाड लाग्ने अनि फुल–मल्टिमेडिया भएको मोबाइल सेट पाएपछि किन अन्य महंगा, सानो साउन्ड, सानो स्क्रिन अनि एउटै मात्र सिम लाग्ने मोबाइल तिर लाग्ने ? त्यति मात्र कहाँ हो र ? उता अधिकांश मोबाइल प्रयोगकर्ताले प्रयोग गर्ने सिम एनसेलको प्रिपेड सिमकार्ड को मूल्य पनि दिनानुदिन घट्दै एक डेढ सयमा पाइन थाल्यो । त्यसैको प्रतिस्पर्धामा नेपाल दूर–सञ्चारले पनि नमस्तेको प्रिपेड सिम अब सोहि मूल्य बराबरमा बिक्रि–बितरण गर्ने आधिकारिक निर्णय भर्खरै मात्र गरिसकेको छ ।
‘हरेक दिन पछि रात आउँछ’ भने भैंm संसारमा त्यस्तो कुनै एक गुणकारी वस्तु नहोला जसको अवगुण नहोस् । विज्ञान तथा प्रविधिले संसारलाई जति सजिलो, छिटो र नजिक बनाउँदै लगिइरहेको छ उतिनै त्यस्को नकारात्मक पक्षहरु पनि छन् भन्दा शायद कसैले पनि नाक नखुम्च्याउला । प्रविधिको विकासले अधिकांश मानिसहरुको हातमा मोबाइल फोन ल्याइदिएको छ । जो जहाँ गए अथवा पुगे पनि आफु जहाँ भए पनि जति बेला पनि उनि सँग सजिलै कुराकानी गर्न सकिन्छ, कुनै पि.सि.ओ. धाइरहन पर्दैन आज, भने अर्को तिर यस प्रविधिको दुरुपयोग, बिक्रिति, फजुल र अवैद्य प्रयोग पनि त्यतिकै भैरहेको छ । काम नपाएका अल्लारे ठिटा–ठिटिले जोसुकैलाई मिस्कल गर्ने, अवैद्य यौन कृयाकलापमा लागेकाहरु र अवैद्य धन्दा गर्नेहरुले प्रयोग गर्ने, उच्छि«ङकल ब्यक्तिहरुले जोसुकैलाई ब्लफकल गर्ने इत्यादि जस्ता अवैद्य काममा प्रयोग गरिरहेको पाइन्छ जसमा सम्बन्धित गिरोहलाई पत्ता लगाउन कठिन हुन्छ । यसले गर्दा अवैद्य यौन कृयाकलाप, चोरी–निकाशी, लुटपात, अवैद्य धन्दा जस्ता कृयाकलापहरु झन् सजिलै फस्ट्याइरहेका छन् ।
यहि महिना मंसिर २ गतेको ‘प्रतिदिन राष्ट्रिय दैनिक’ मा ‘ब्लफ कलले प्रहरी हैरान’ भन्ने शिर्षकमा एउटा समाचार छापिएको थियो । उक्त समाचारमा ‘झापाको बाहुनडाँगीमा हतियारसहित आएका लुटेराको गाउँलेको प्रतिकारमा दुई जनाको मृत्यु भयो ल भट्टै प्रहरी आउनुहोस् । काँकरभिट्टाको बाहुनडाँगी रोडमा दुई समूहबीच झगडा हुँदा दुई जनाको घटनास्थलमा मृत्यु भयो, यो स्थान तनावग्रस्त छ प्रहरी तुरुन्तै पठाइदिनु प¥यो’ भनि केही मानिसले नेपाली र भारतीय नम्बरका मोबाइलबाट इलाका प्रहरी कार्यालय काँकरभिट्टाको कन्ट्रोल रुममा फोन ग¥या थियो । तर प्रहरी पुग्दा त्यहाँ त्यस्तो केही नभएको पाएर त्यसै फर्किनु परेको थियो । मेचीनगरमा यस्ता थुप्रै घटनाहरु बढिरहेको सो समाचारमा उल्लेख छ ।
अतः जुनसुकै संचार माध्यमले होस् ब्यापारिक दृष्टिले मात्र नभै एउटा मापदण्ड बनाई मोबाइल फोन अत्यावश्यक पर्ने र सहि काममा प्रयोग गर्ने व्यक्तिलाई सो मापदण्ड पुरा गराएर मात्र सिमकार्डको बिक्रि वितरण गर्ने नियमको व्यवस्था गर्नु प¥यो । यति मात्र होइन, सबै सिमकार्डको नेटवर्कसिस्टममा सिमकार्ड प्रयोगकर्ताहरुले गरेका कुराकानीहरु वैद्य वा अवैद्य छन् भनि छुट्याउने प्रणालीको व्यवस्था हुनु प¥यो । र यदि कसैले अवैद्य कुराकानी गरेको थाहा पाएमा उसको सिमकार्ड रद्द गरिनुका साथै उसलाई कडा कारवाही हुने नियमको व्यवस्था हुनु प¥यो । नत्र भने यस्ता विक्रिति, विसंगति र अवैद्य कृयाकलापहरुले तिब्र गतिमा झनझन फस्टाउँदै गएर अन्तत्वगत समाज, गाउँ र राष्ट्रलाई ठूलो अन्धकार तिर नधेकाल्ला भन्न सकिन्न । 

त्यस्तै झापाको दमबाट नै प्रशारण सुरु गरेको पाथिभरा एफ एम लाई पनि अनलाईन लाइभ सुन्न सकिन्छ । त्यस्तै गरी झापाको विर्तामोडमा रहको कञ्चनजंघा एफ.एम को अनलाईन लाईभ प्रशारण अन्तिम चरणमा पुगेको छ केहि दिनपछि त्यसलाई पनि लाईभ सुन्न सकिन्छ । त्यस्तै इलामबाट प्रशारण सुरु गरेको नेपालबाणि एफ एम लाई पनि अनलाईनमा लाईभ सुन्न सकिन्छ ।

योगेश खतिवडा , स्याङबोचे (सोलुखुम्बु), कार्तिक १२ - 'आरामै हुनुहुन्छ ?'

'सबै ठीक छ ।'
'कुन ठाउँमा हुनुहुन्छ ?'
'समुद्र सतहबाट ५ हजार ५ सय मिटर उचाइको कालापत्थरमा ।'

स्याङबोचेमा रहेका एनसेलका प्रमुख कार्यकारी अधिकृत पासी कोइस्तिनेन र कालापत्थरमा रहेका आरोही नामग्याल शेर्पाबीच बिहीबार यसरी कुराकानी भयो । उनीहरू विश्वकै उच्च स्थानमा स्थापित एनसेलको थ्रिजी स्टेसनबाट कुराकानी गर्दै थिए ।

कुराकानीका क्रममा शेर्पाले एनसेल डाटा सेवामार्फत स्याङबोचेमा रहेको एनसेलका अन्य अधिकारी र पत्रकार टोलीलाई विभिन्न हिमाल मोबाइलको स्क्रिनबाटै देखाउन पनि छुटाएनन् । कोइस्तिनेन समुद्र सतहबाट ३ हजार ८ सय मिटरमा थिए भने शेर्पा ५ हजार ३ सय मिटरमा थिए ।

स्पाइस नेपाल (एनसेल) ले संसारको सबैभन्दा उच्च स्थानमा बेस स्टेसन (टावर) राखेर द्रुत गतिको थ्रिजी सेवा सुरु गरको हो । कम्पनीले ५ हजार २ सय मिटर उचाइको सगरमाथा आधार शिविरमा स्टेसन राखी सेवा सुरु गरेको छ ।

यस स्टेसनबाट कम्पनीले उच्च गतिको मोबाइल डाटा सेवा पनि प्रदान गर्ने जनाएको छ । 'यो हाम्रा लागि ठूलो उपलब्धि हो,' कोइस्तिनेनले स्याङबोचेबाट कालापत्थरमा रहेका नामग्याल शेर्पासँग भिडियो फोनमा कुराकानी गरेपछि सञ्चारर्मीहरूलाई भने, 'विश्वकै उच्च स्थानमा पुगेका छौं । यसबाट हामी धेरै खुसी भएका छौं ।' स्विडेनको एक खानीमा समुद्र सतहबाट १ हजार ४ सय मिटर तल पनि सेवा दिएको उनले जनाए ।

पर्यटकीय क्षेत्रमा सुरु भएको थ्रिजी र डाटा सेवाले नेपाल पर्यटन वर्ष २०११ लाई सहयोग पुर्‍याउने एनसेलका स्थानीय साझेदार एवं गैरआवासीय नेपाली संघका निवर्तमान अध्यक्ष उपेन्द्र महतोले बताए ।

खुम्बु क्षेत्रमा सुरु यो सेवाबाट स्थानीय बासिन्दाका साथै पदयात्री र हिमाल आरोहीले सहज र सस्तो रूपमा गुणस्तरीय थ्रिजी र द्रुत गतिको इन्टरनेट सेवा पाउनेछन् । उच्च स्थानमा रहेको थि्रजी बेस स्टेसनको माध्यमबाट इन्टरनेट प्रयोग गर्ने, इमेल र भिडियो पठाउन लाग्ने शुल्क स्याटलाइट फोनभन्दा सस्तो हुने कम्पनीले जनाएको छ । सगरमाथा आधारशिविरको चीनतर्फ टुजी सेवामात्र छ । अब सगरमाथा क्षेत्रमा एकैपल्ट ५० जनाले कुरा गर्न सक्ने प्राविधिकहरूले जनाएका थिए ।

एनसेलले करिब एक महिना अगाडि थि्रजी सेवा भित्र्याएको थियो । यसमा उपभोक्ताले राम्रो डाटा सेवा पाउनेछन् । थ्रिजी भित्र्याएको पन्ध्र दिनपछि कम्पनीले 'एनसेल कनेक्सन' काममा उच्च गतिको डाटा सेवा भित्र्याएको थियो ।

एनसेलमा ८० प्रतिशत लगानी रहेको टेलियासोनेराका अध्यक्ष तथा प्रमुख कार्यकारी अधिकृत लार्स निवर्गले संसारकै सबैभन्दा होचो ठाउँमा मोबाइल सञ्चालन गर्न सफल कम्पनीले संसारकै अग्लो ठाउँमा मोबाइल सेवा सञ्चालन गर्दा धेरै उत्साही भएको बताए ।

News source : Kantipur Online

काठमाडौ, आश्विन १४ - एनसेल (स्पाइस नेपाल) ले उच्च गतिको इन्टरनेट चलाउन मिल्ने सेवा सुरु गरेको छ । कम्पनीले एनसेलको सिम लिएर युएसबी डाटा कार्डबाट तारविहीन उच्च गतिको इन्टरनेट सेवा लिन पाउने भएका हुन् । भ्वाइस सेवाका साथै कम्पनीले पछिल्लो समयमा डाटा सेवा पनि तीव्र रूपमा विस्तार गरेको छ ।

गत महिनामा थि्रजी सेवा सुरु गरेको एनसेलले त्यसअघि डाटा सेवा प्रयोगकर्ताका लागि उपयोगी ब्ल्याकबेरी सेवा सुरु गरेको थियो ।

'जुनसुकै स्थानमा सहज रूपमा इन्टरनेट सेवा पुर्‍याउने उद्देश्यले यो सेवा सुरु गरिएको हो,' कम्पनीका प्रमखु कार्यकारी अधिकृत पासी कोइस्टिनेनले भने, 'व्यस्त दैनिक र प्रतिस्पर्धामा इन्टरनेटको पहुँच महत्त्वपूर्ण भएको छ । अब तारबिना जहाँसुकै तीव्र गतिको इन्टरनेट चलाउन सकिन्छ ।' यस सेवाअन्तर्गत कम्पनीको थि्रजी नेटवर्क भएको क्षेत्रका उपभोक्ताले ३ दशमलव ६ मेगावाइट्स प्रतिसेकेन्डका गतिमा इन्टरनेट चलाउन सक्छन् । बिहीबारदेखि ल्याएको यो सेवामा तीन वटा प्याकेज छन् ।

जसमा एक महिनामा ५ सय, १ हजार र ५ हजार मेगावाइट्स डाटा प्रयोग गर्न सकिन्छ । एक महिनामा ५ सय मेगावाइट्स डाटा प्याकेजको मूल्य ५ सय रुपैया तोकिएको छ । त्योभन्दा बढी प्रयोग गरिए प्रति मेगावाइट २ रुपैयाँ तिर्नुपर्छ ।

'यस्तै १ हजार मेगावाइट्स डाटा प्रयोग गर्ने प्याकेजका लागि महिनामा ८ सय ९९ रुपैयाँ बुझाउनुपर्छ,' उनले भने, '५ हजार मेगावाइट्सको डाटाका लागि ३ हजार ९ सय ९९ रुपैयाँ बुझाउनुपर्छ ।' यी सबैमा प्याकेजभन्दा बढी डाटा प्रयोग गरे प्रतिमेगावाइट डाउनलोड गरेको २ रुपैयाँ लाग्छ ।

यो सेवा लिन आवश्यक डाटा कार्डको किन्न १ हजार ९ सय ९९ रुपैयाँ र सिमको मूल्य ९९ रुपैया पर्छ । जसमा ५० रुपैयाँ ब्यालेन्स हुन्छ । 'डाटा सेवा प्रयोग गर्ने सिम रिचार्ज सामान्य सिम रिचार्ज कार्डबाट गर्न सकिन्छ,' कम्पनीकी कर्पोरेट सञ्चार अधिकृत सञ्जु कोइरालाले भनिन्, 'यी प्याकेजहरू पि्रपेड र पोस्टपेडमा पाइन्छ ।' कम्पनीले पहिलो सिम प्रयोग गरिरहेको उपभोक्ताले पनि उच्च गतिको सेवा लिन सक्ने जनाएको छ । तर अहिलेको सस्तो शुल्कमा सेवा लिन उनीहरूले माथिको प्याकेज लिनुपर्छ । यो सेवा

अहिले काठमाडौं उपत्यकाबाट सुरु गरिएको हो । छिट्टै मुलुकका अन्य भागमा पुर्‍याउने लक्ष्य रहेको उसले जनाएको छ ।

समाचार स्रोत :कान्तिपुर

नरेन्द्र रौले काठमाडौं/ सुन्दा अचम्म लाग्न सक्छ, मानिसले बोलेकै भरमा पनि कम्प्युटरले काम गर्छ ?

अब यो कुरा अनौठो रहेन । दृष्टिविहीनहरूका लागि बनाइएको कम्प्युटरले सजिलै यस्तो किसिमको काम गर्छ । तर, यो कम्प्युटर विदेशबाट आयात गरिएको भने होइन । थापाथली इन्जिनियरिङ् क्याम्पसमा आईई तेस्राे वर्षमा अध्ययनरत महेश दाहाल, २१, ले यस्तो कम्प्युटर बनाएका हुन् ।

उनले यस कम्प्युटरलाई 'भ्वाइस इन्जिन' नाम दिएका छन् । दृष्टिविहीनहरूलाई लक्षित गरेर दाहालले यो कम्प्युटर बनाएका हुन् । कम्प्युटर 'अन' गरिसकेपछि आफूले चलाउन खोजेका प्रोग्रामहरू बोलेकै भरमा खुल्ने गर्छन् । यस कम्प्युटरका अगाडि बसेर पंखा, टेलिभिजन गरी सातवटा वस्तु पनि चलाउन सकिन्छ, त्यो पनि बोलेकै भरमा । "अपांगता गएका र दृष्टिविहीन सम्बद्ध संस्थाले यसको प्रयोग गर्न सक्छन्," दाहाल भन्छन् । 

 Source :- eKantipur

 असोज ९ - नेपाली बजारमा भित्रिएको तीन महिनामा सबैभन्दा सस्तो माइक्रो ल्यापटप बेल्यो १० हजार भन्दा बढी बिक्री भएको छ। राजधानीमा गत असार दोस्रो साता भएको सुचना प्रविधि मेलामा पहिलो पटक बजारमा ल्याइएको माइक्रो ल्यापटप बुकिङ गरेर १० हजार भन्दा बढीले किनेको बिक्रेता सागर इन्फोसिसले दाबी गरेको छ।

राजधानीमा शुक्रबार पत्रकार सम्मेलन गरि कम्पनीले मेलामा बुकिङ गरिएका १० हजार भन्दा बढी माइक्रो ल्यापटप बिक्री गरिसकेको जनाएको छ। 'हामीले बुकिङ गरेका सबै ल्यापटप बिक्री गरिसकेका छौ,' इन्फोसिसका प्रबन्ध निर्देशक बासुदेव लाखेले भने, 'अब ग्राहकले यो माइक्रो ल्यापटप खरिद गर्न बुकिङ गरिरहनु पर्दैन।'

७ हजार ३ सय ४५ मा पाइने सो ल्यापटप मेलामा ११ हजारले बुकिङ गरेका थिए। मेला अवधिमा बिक्री गरिएका केही माइक्रो ल्यापटपमा प्राविधिक समस्या आएपछि कम्पनीले त्यसको निराकरण गरि बिक्री गरेको थियो। त्यसबेला ल्याएका ल्यापटपको ब्याट्रीमा समस्या देखिएपछि ब्याट्री परिवर्तन गरि बिक्री गरिएको थियो।

ब्याट्री परिवर्तन गरि युरोपियन मापदण्डको रेस्टिक्सन अफ ह्याजडस सब्टेन्स डाइरेक्टिम्भ(आरओएचएस) प्रमाणित गराए पछि बेल्योको बिक्री सुरु गरेको कम्पनीको दाबी छ। एक वर्षे वारेन्टीका सहित बजारमा ल्याइएको ल्यापटपको हार्ड डिस्क २ जिवी र १ सय २८ एमबीको र्‍याम छ। अब ग्राहकले इन्फोसिसका बिक्री केन्द्रबाट सजिलै पाउने कम्पनीले जनाएको छ।

कम्पनीले बेल्योको मर्मत सम्भार र प्रशिक्षणका लागि सर्भिस सेन्टर एवं प्रशिक्षण युनिटको समेत व्यवस्था गरेको लाखेले जानकारी दिए। उनले यसका स्पेयर पार्टस्हरू पनि यो केन्द्रबाट उपलब्ध हुने बताए। कम्पनीले यो ल्यापटपमा हाई ग्राफिक्स र आधिकारिक स्पेसिफिकेसनमा माइक्रोसफ्ट वर्ड, एक्सेल पावरप्वइन्ट नचल्ने स्पष्ट पारेको छ। 'ग्राहकले माइक्रोसफ्टकै स्पेसिफिकेसन खोज्नु भएको देखियो,' लाखेले भने, 'यसमा वर्डका लागि टेक्समेकर, एक्सेलको लागि प्लानर र पावरप्वाइन्टका लागि प्रेजेन्टेसन नाममा प्रोग्रामहरू चलाउन सकिन्छ।'

Source :- Nagariknews