पत्रकारसहित १ दर्जन घाईते

सचेत युवा समुह नामक संस्थाले झापाका प्रहरी प्रमुखले व्यापारीमाथि ज्यादती गरेको भन्दै सदरमुकाम चन्द्रगढी र भद्रपुर नगर क्षेत्र वन्द आव्हान गरेको थियो । सो क्रममा प्रहरी र वन्दकर्तावीच झडप भएको थियो । झडपका क्रममा पत्रकार पार्थ मण्डल, किसन पासवानलगायत घाइते भएका छन् । प्रहरीले वन्दकर्ता मध्येका विजय साह र स्थानीय समिर राईलाई पक्राउ गरेको बताइएको छ । वन्दका क्रममा सदरमुकाम र आसपासका सम्पुर्ण वजार, शैक्षिक संस्था, यातायात र कलकारखाना वन्द भएका थिए । यातायात वन्दका कारण सर्वसाधारणले
सास्ती व्यहोरेका थिए । एकसाता अघि भन्सार गरेको सामान पक्राउ गरेर व्यवसायीलाई दुःख दिएको भन्दै वन्द आव्हान गरिएको हो । एसपी रविन्द्र शर्माको आदेशमा प्रहरीले करिव डेढलाखको सामान एक साता अघि झापाको विर्तावजारबाट पक्राउ गरेको थियो ।