माओवादीले कव्जा गरेको जग्गा फिर्ता माग्दा झडप
मेचीनगर अनलाइन
|
Saturday, October 2, 2010
|
0 comments
पाँचथर, आश्विन १६ - द्वन्द्वकालमा माओवादीले कब्जा गरेको जग्गा फिर्ता माग्दा दुई पक्षबीच बिहीबार झडप भएको छ । तत्कालीन बिद्रोही माओवादीले मेमेङ-४ निवासी अर्जुन राईको जग्गा कब्जा गरी एकतीन-७ का माओवादीका एरिया कमिटी सदस्य डिल्ली राईको परिवारले जग्गामा अलैँची खेती गर्दै आएका थिए । सो जग्गा उनलाई फिर्ता माग्दा दुई पक्षबीच झडप भएको हो । झडप हुँदा जीवन राईलगायत चारजना घाइते भएका छन् ।
जग्गा धनी अर्जुन राईका अनुसार अहिलेदेखि जग्गा फिर्ता गर्न सल्लाह दिएर अलैँची टिप्न लाग्दा उनीहरुले एक्कासी आक्रमण गरेपछि झडप भएको हो । कुटपिटबाट घाइते डिल्ली राईको टाउकोमा चोट लागेको छ । घाइतेको थप उपचारका लागि धरानस्थित बिपी कोइराला स्वास्थ्य विज्ञान प्रतिष्ठान लगिएको छ ।
घटना सम्बन्धमा माओवादी पार्टीले भने सो जग्गा पार्टीले कब्जा गरेको नभई पारिवारिक भएको र घटनालाई बढाइचढाइ गरेर राजनीतिकीकरण गर्न खोजेको आरोप लगाएका छन् ।
झडपमा संलग्न मेमेङ-४ का महेन्द्र राई, मकर राई, नरबहादुर राई, अर्जुन राई र जसबहादुर राईलाई प्रहरीले नियन्त्रणमा लिई जिल्ला प्रहरी कार्यालय पाँचथरलाई बुझाएको छ
Filed Under: राजनीति
0 comments
Trackback URL | Comments RSS Feed