पूर्वाञ्चलबाट पनि टिभी प्रशारण
मेचीनगर अनलाइन
|
Friday, November 5, 2010
|
2 comments
पूर्वाञ्चलवाट पहिलो पटक मकालु टेलिभिजनको प्रसारण शुभारम्भ भएको छ ।
विहिवार साँझ ७:५५ बजे मकालु मिडिया प्रा. लि. का अध्यक्ष शिवप्रसाद घिमिरेले टेलिभिजनको परिक्षण प्रसारणको शुभारम्भ गर्नुभएको हो ।
टेलिभिजन मार्फत प्रत्यक्ष सम्वोधन गर्दै अध्यक्ष घिमिरेले मकालु टेलिभिजन सूचना अभिप्रेरणा शिक्षा र मनोरञ्जन प्रदान गरी पूर्वाञ्चलवासीको सूसुचित हुने अधिकारलाई स्थापित गर्ने साझा टेलिभिजन हुने विश्वास ब्यक्त गर्नुभयो ।
मकालु टेलिभिजन केवल र टेरेस्टरियलको माध्यमवाट प्रसारणहुने कार्यकारी प्रमुख धर्मराज ढकालले वताउनु भयो ।
राष्ट्रिय टेलिभिजन च्यानलमा खासै पहँुच नभएका पूर्वाञ्चलवासीका लागि टेलिभिजन गर्वको बिषय पनि हुने उहाँले उल्लेख गर्नुभयो ।
मकालु टेलिभिजनलाई यहाँसम्म ल्याई पु¥याउन हरतरहबाट सहयोग गर्ने सबैप्रति अध्यक्ष घिमिरेले आभार ब्यक्त गर्नुभयो ।
१८ जना संस्थापकहरुबाट सुरुवात भएको टेलिभिजनमा नेपालका सफल उद्यमी ब्यवसायी, केवल ब्यबसायी तथा सञ्चारकर्मीहरु संलग्न छन् । मकालु टेलिभिजनको सञ्चालक समितिको अध्यक्षमा घिमिरे, सदस्यहरुमा दिनेश सुवेदी, भोलेश्वर दुलाल, शिवकुमार डाँगी, तथा सदस्य सचिव धर्मराज ढकाल रहनुभएको छ ।
टेलिभिजनले सूचना, शिक्षा र मनोरञ्जनात्मक कार्यक्रम प्रसारण गर्ने लक्ष्य लिएको छ ।
Filed Under:
समाचार अपुरो भएन र ?
पूर्वाञ्चलबाट पनि टिभी प्रशारण???? तर कुन ठाउबाट (स्थान )त्यो प्रशारण भएको'छ ? किन खुलाउन उचित ठान्नु भएन कि क्या हो ? कि हाइलाइट गराउन टाइटल मात्र सजाउनु भएको हो ? कत्रो उत्सुकता पुर्बक समाचार हेरेको त ... कुन ठाउ मा रहेछ भनेर ..तर समाचार पढेर पनि बेखबर भएर बस्नु पर्छ भने समाचार पढ्नु को के मतलब !
---------
पाठकहरुलाई असन्तुष्टी बनाउने कोसिस नगर्नुहोस !धन्यबाद !
(सरि है मैले कमेन्ट गर्दा -मनमा लागेको कुरा गरे है !)
बेदनाथ पुलामी (उमेस) जी समाचार अपूर्ण भएकोमा क्षमा माग्दछौ । मकालु टेलिभिजनको मुख्य कार्यलय सुनसरीको ईटहरी ५ स्थीत पचरुखी चोकमा रहेको छ ।