बोट भरी लटरम्म फलेका सुन्तलाले बजार नपाउँदा बाड्न बाध्य

रविन भट्टराई/ताप्लेजुङ कात्तिक १८, ताप्लेजुङ खेजेनिमका विकास पौडेल आफ्नो बारीभरी लटरम्म फलेको सुन्तला गाउँका साथी भाई र छिमेकिलाई बाँडेर र घरमा आएका पाहुनालाई कोशेलि स्वरुप दिएर सक्ने गर्छन । आफ्नो लगनसिलता र मेहनतले फलाएको सुन्तला साथिभाईलाई बाड्नु उनको रहर नभई बाध्यता भएको छ यतिखेर । बोट भरी लटरम्म फलेका सुन्तलाले बजार नपाउँदा विकास यसरीनै सुन्तला बाड्न बाध्य छन् । 

ताप्लेजुङ सदरमुकाम फुङ्लिङ्गबाट एक दिनको पैदल यात्रा तय गरी पुग्न सकिने खेजेनिममा जिल्लाका अरु गाविसको तुलनामा स्वादिलो र प्रसस्त मात्रामा सुन्तला पाईन्छ, तर नजिकै बजार नभएको कारण र मोटर बाटो समेत नपुग्दा यहाँका विकास मात्र हाईन्न अधिकांस किसानको सुन्तला बाँडेर र बोटबाट झरेर नै सकीने गरेको छ । 

खेजेनिम गाविस बाट दुई घण्टाको दुरीमा कञ्चनजंघा बेस क्याम्प जाने बाटो र स– साना पसल रहेका छन् र सो स्थानका केहि पसलमा केहि मात्र सुन्तता विग्ने गरेको छ । केहि वर्ष अ गाडि एकिकृत नेकपा माओवादिको  सरकारको समयमा खेजेनिम गाविसलाई नमुना गविसको रुपमा विकास गर्न धेरै लगानि पनि नभएको भने होईन । सबै  गाउँका घर घरमा जाने बाटोमा ढुङ्गा विक्षाएर फराकिलो बाटो समेत बनेको भए पनि सो स्थानमा पर्यटकीय क्षेत्र नभएको कारण आन्तरीक तथा बाह्य पर्यटक समेत कमै मात्र पुग्ने गरेका छन् ।

यो गाविसको मौषम र माटो सुन्तला खेतिका लागि  सुहाउने भएको र प्रसस्त मात्रामा सुन्तला उत्पादन हुने भएको कारण र सुन्तला खेतिलाई यहाँका किसानले प्राथमिकता दिएका ले यो गाविसलाई एक पर्यटकिय गाविस बनाउन सम्बन्धित सबैको ध्यान जानुपर्ने यहाँका स्थानिय बासिको माग रहेको छ