२१ वर्षमै माविको प्रध्यापक

२०६७ - मंसिर काभ्रे, ९ मंसीर

काभ्रेको ढुर्ंखर्क गाविस-३ का २१ वर्षका राजकुमार गौतम नेपालकै कान्छा प्रधानाध्यपक भएको दावी गरीएको छ ।

२०४५ साल फागुन २२ गते जन्मेका राजकुमार ढुर्ंखर्क गाविस-२ स्थित कृष्णगोपाल माविको प्रअमा नियुत्ती पाएपछि सो दावी गरीएको हो ।

 विद्यालयका १० शिक्षक र तीन शिक्षिकामध्ये राजकुमार कान्छा हुन्  । तर तीनै शिक्षकरशिक्षिका तथा विद्यालय व्यवस्थापन समितिको र्समर्थनमा उनी प्रधानाध्यापक बनेका छन् । २१ बर्षै कलिलो उमेरमा प्रअ बनेको उनीनै नेपालको एक मात्र व्यक्ति भएको शिक्षा क्षेत्रका कार्यरत व्यक्तिहरुको दावी छ । 

विद्यालयका कार्यरत शिक्षकरशिक्षिकाहरुको बैठकबाट गौतमलाइ प्रधानाध्यापक बनाउने निर्ण्राभएपछि विद्यालय व्यवस्थापन समितिको सिफारिसमा बुधबारदेखि उनी प्रधानाध्यापकमा चयन भएका हुन् ।

 उनलाई जिल्ला शिक्षा कार्यालयले प्रअको रुपमा कार्य गर्न  विहिवार चिठी समेत दिएको छ । 

 जिल्ला शिक्षा अधिकारी रामशरण सापकोटाले धेरै जिल्लामा घुम्दा यति कम उमेरको प्रधानाध्यापक नभेटेको बताउँदै नेपालकै गौतम नेमालकै कान्छो प्रधानाध्यापक भएको दाबी गरे । 'म धेरै जिल्लाहरुमा पुगेको छु, यति थोरै उमेरको मावि प्रअ मैले भेटेको थिइन ।'-उनले भने । उनले प्रअ बनेकोमा गौतमलाई बधाई दिँदै सामुदायिक विद्यालयलाई उत्कृष्ट र नमुना विद्यालय बनाएर गुणस्तर शिक्षा प्रदानका लागि सबैसँग समन्वय र सहयोग लिएर अघि बढ्न आग्रह गरे । 

प्रेमप्रसाद गौतम र आमा सावित्री गौतमका जेठा  पुत्र राजकुमार विद्यालयका विज्ञान शिक्षक हुन् । राजकुमारलाई पढाउने शिक्षकहरु समेत उक्त विद्यालयकै शिक्षक भएपनि उनको सक्रियता र क्रियाशिलतालाई हेरेर विद्यालयको प्रअमा छनोट गरिएको विद्यालयका पूर्व प्रअ सीताराम तिमल्सिनाले बताए । 

सानै उमेरमा प्रअ बनेका अविवाहित राजकुमार विद्यालयको शैक्षिक र भौतिकस्तरमा परिवर्तन गरी नमुना विद्यालय बनाउनका लागि पहल गर्ने बताउँछन् । 'म विद्यालयकै सबैभन्दा कान्छो व्यक्ति हुँ तर सबैको सुझाव मागेर विद्यालयलाई नमुना बनाउनका लागि पहल गर्छु, गौतमले भने ।

Source :- Rajdhani Daily