विकिलिक्सका स‌स्थापक असाञ्जेलाई धरौटीमा छाड्न आदेश

काठमाडौ, मंसिर २८ - अमेरिकी गोप्य कुटनीतिक सन्देशहरु प्रकाशनमा ल्याएपछि चर्चामा आएका विकिलिक्सका स‌स्थापक जुलीयन असाञ्जेलाई अदालतलेम म‌गलबार धरौटीमा छाड्ने आदेश दिएका छन् ।

यद्यपी उनी अदालतले भने अनुसारको रकम धरौटीमा राख्न नसकेसम्मका लागि जेलमै रहने छन् । उनलाई स्वीडेनमा दुई महिलालाई यौन दुर्व्यवहार गरेको आरोपमा लण्डनमा पक्राउ गरिएको थियो ।

उनले कुल २ लाख ४० हजार पाउण्ड (करिव २ करोड ८० लाख रुपैयाँ) अदालतमा धरौटी वापत तिर्न भनिएको छ । उक्त रकम नतिरेसम्म नछाड्न पनि आदेश गरिएको छ । गतसाता उनी भाग्न सक्ने भन्दै अदालतले धरौटीमा छाड्न अस्वीकर गरेको थियो ।

साथै उनले आफ्नो पासपोर्ट आफु बस्ने स्थानको नजिकैको प्रहरी बुझाउनु पर्ने र हरेक साँझ त्यहाँ उनी उपस्थित हुनुपर्ने छ ।

असाञ्जलाई पक्राउ गरिएपछि उनले अमरिकी दस्तावेज प्रकाशित गरेको कारण जेल हालिएको भन्दै विश्वभरबाट बिरोध भएको थियो । वेष्टमिनिष्टर मजिष्ट्रेडको कार्यालय अगाडी उनको थनछेक मुद्दाको बहसमा धेरै समर्थक तथा पत्रकारहरु उपस्थित भएको बीबीसीले उल्लेख गरेको छ । बीबीसी टेलीभिजनले स्वीडिस अधिकारीहरुले अदालतको आदेशबिरुद्ध अपीलमा नजाने बताएको उल्लेख गरेको छ ।