You are here:
Home »
समाचार
»
उनीहरुले हाम्रो घर त खोसे, तर भविष्य खोस्न सकेनन्
मेचीनगर अनलाइन
|
Friday, June 18, 2010
|
0 comments
|
| @ | सुब्रत न्यौपाने, झापा |
झापा ४ असार  शरणार्थी मामिला सम्बन्धी संयुक्त राष्ट्र सङघीय उच्च आयोग ( युएनएचसीआर) का नेपाल प्रमुख स्टेफेन ज्याकमेटले पुनर्वासमा गएका भुटानी शरणार्थीलाई स्वदेश फिर्तीृको अभियान चलाउन कसैले नरोक्ने बताएका छन् । उनले घर फिर्तीको अधिकार उपयोग गर्न भुटानी शरणार्थी स्वतन्त्र रहेको पनि बताए । ‘तेस्रोमुलुक गएका भुटानी घर फिर्तीको अभियान चलाउन स्वतन्त्र छन्’, विश्व शरणार्थी दिवसको अवसरमा झापाको कस्थित बेलडा“गी शिविरमा शुक्रवार आयोजित कार्यक्रममा उनले भने, ‘स्वदेश फिर्ती शरणार्थीको अधिकार हो । यसलाई कसैले रोक्न सक्दैन ।’ उनले स्वदेश फिर्ती सुनिश्चत नभएकाले शिविरको कष्टकर बसाईबाट मुक्ति दिन शरणार्थीलाई तेस्रोमुलुकमा पुनस्र्थापना गरिएको बताए ।
‘तेस्रोमुलुक पुनर्वास कार्यक्रमले शरणार्थीको भविष्य सुनिश्चत गर्छ भन्नेमा दाता निकाय विश्वस्त छन्’, उनले भने, ‘पुनर्वासमा गएकालाई घर फिर्तीको अभियान चलाउन कुनै रोकावट छैन । उनले अहिलेको अवस्थाबाट मुक्ति पाउनु शरणार्थीका लागि ठूलो कुरा हुने बताए । दुईबर्ष अघि पुनर्वास कार्यक्रम शुरु भएयता ३२ हजार एक सय ७६ जना शरणार्थी तेस्रोमुलुक पुगिसकेका छन् । तीमध्ये सबैभन्दा धेरै २७ हजार नौ २६ जना अमेरिका पुगेका छन् । पुनर्वासमा जान इच्छा गर्ने शरणार्थीको संख्या ८७ हजार आठसय ३० पुगेको छ । तथ्याङ्कअनुसार सन् १९६० ताका तिब्बतीयनहरु पहिलो पटक शरणार्थीको रुपमा नेपाल आएका थिए । त्यसपछि सन् १९९० को दशकमा भूटानी शरणार्थी नेपाल भित्रिएका हुन् । हाल नेपालमा १८ देशका सवालाख मानिस शरणार्थीको रुपमा रहेका छन् । विश्वमा डेढ करोड मानिसले कष्टपूर्ण शरणार्थी जीवन विताइरहेको संयुक्त राष्ट्र संघीय उच्चायोगको तथ्याङ्कमा उल्लेख छ । शरणार्थीले ‘उनीहरुले मेरो घर खोसे तर भविष्य खोस्न सकेनन्’ भन्ने नाराका साथ झापा र मोरङ्गका सातवटै शिविरमा ४९ औ“ विश्व शरणार्थी दिवस मनाएका हुन् । मे २० मा विश्व शरणार्थी दिवस परे पनि आइतबार शिविरमा सञ्चालित संस्थाहरु बन्द हुने कारण सो दिवस शुक्रबार मनाइएको हो । उनीहरुले भुटान सरकारको दमन झल्काउने ‘क्रुर दमनको पर्दाफास’ नामक नाटक प्रदर्शन गरेका थिए । विश्वमा यो दिवस सन् १९६१ देखि मनाउन थालिए पनि भुटानी शरणार्थीहरुले सन् २००१ देखि मनाउ“दै आएका छन् ।
|
|
Filed Under:
समाचार
0 comments
Trackback URL | Comments RSS Feed