बाहुनडाँगीमा हात्तिकालागि बार बारियो
मेचीनगर अनलाइन
|
Wednesday, June 23, 2010
|
0 comments
हात्ती पीडित क्षेत्रकोरुपमा चिनिएको झापाको पूर्वाेत्तर गाविस बाहुनडाँगीमा विद्युतीय तार घेराबारपछि स्थानीय जनताले राहत महसुस गर्न थालेका छन् । नेपाल सरकारको ३० लाख, जिविसको १६ लाख र ३० प्रतिशत स्थानीय उपभोक्ताबाट संकलित जम्मा ६० लाखको बजेटमा सोलार प्यानल विद्युतीय तार घेराबारा सम्पन्न गरिएको समितिका सचिव निरज घिमिरे बताउनु हुन्छ ।
२०३२ सालदेखि हात्ती प्रवेश गर्न थालेको सो गाविसमा जंगली हात्तीले हालसम्म २६ जनाको ज्यान लिएको छ भने झण्डै ३० जना घाइेत भएका छन् । रातैपिच्छे आउने जंगली हात्तीले कृषकहरुले लगाएको धान, मकै, गहुँ, नरिवल, सुपारी, केरा लगायतका अन्नबाली र नगदेबाली नष्ट गर्न्ुका साथै लाखौंको धनमाल क्षति गर्ने गरेको छ । हात्ती आक्रमणको उच्च जोखिममा रहेको सूदूरपूर्वको यो गाविसमा हात्ती नियन्त्रणका लागि मौरी पालन गर्ने ,खोला किनारमा केरा खेती गर्ने, काँडे विरुवा रोप्ने डोरीमा ग्रिज र खोर्सानी दल्ने, टुंसी बनाउने लगायतका दर्जनौ प्रयासहरु भने यसअघि नभएका होइनन् ।
दिनभर नजिकैको भारतीय जंगलमा बस्ने र सम्साझै डेढ–दुईसयको हन्जामा हात्ती नेपाल प्रंवेश गरी धनजनको क्षति गर्दै आएको छ ।
यसरी वर्षैसम्म हात्ति आक्रमणको दोहोरो चपेटामा परेका बाहुनडाँगीबासीलाई विद्युतीय तार घेराबारले केही राहत पुर्याएपनि पूर्णरुपमा यो समस्या समाधान भने भएको छैन । हात्ति समस्या दीर्घकालीन समधानको निम्ति नेपाल भारतबीच समन्वय गरी प्रभावकारी कदम चाल्नु पर्ने आवश्यकता रहेको जानकारहरुको राय रहेको छ ।
Filed Under: समाचार
0 comments
Trackback URL | Comments RSS Feed