सब्जीमण्डी जुवाडेको अखडा

@

पवन पौडेल, बिर्तामोड, झापा

बजार राख्ने सोचाइ नै नभएको इटाभट्टा चोकमा व्यवस्थित सब्जीमण्डीको निर्माण भएपनि साचालन हुन नसक्दा जुवाडेको अखडा र गोठकोरुपमा परिवर्तन भएको छ । 

यसरी सचालनमा आउन नसकेको सब्जीमण्डी गाईगोठ बनेको छ । तास खेल्ने अड्डा चोरीको सामान लुकाउने ठाउँ बनेको मण्डी रक्सीमा लड्ठीएका जुवाडेहरुका लागि त झन् राम्रो घर भेटिएछ भनी रात विताउने टहरा बनेको छ । राजमार्ग छेउमा सब्जी विक्री हुने भएकाले दुर्घटनाको सम्भावना उत्तिकै रहेको छ । सब्जीबजारलाई व्यवस्थित गर्न बजार व्यवस्थापन समिति गठन नभएको होइन । बन्धन मुण्डाको अध्यक्षतामा रहेको १७ सदस्यीय समितिले पनि बजार व्यवस्थापन गर्न सकेको छैन । उता मेचीनगर नगरपालिकाका खाद्द्य अधिकृत दिपेन्द्र कार्कीका अनुसार सब्जीमण्डीमा पर्खाल लगाई विजुली ढल निकास र पानीको व्यवस्था गरेपछि मात्र सब्जीबजार सारिने बताए ।