बाढीका कारण पूर्वपश्चिम राजमार्ग अवरुद्ध

राजु अधिकारी, झापा, साउन ३-

हिजो रातभर परेको पानीका कारण आएको बाढीले लखनपुरमा पर्ने केउरिया खोलाको कलभर्ट भत्काएपछि पूर्वपश्चिम राजमार्ग अवरुद्ध भएको छ। राजमार्ग बन्द भएपछि पश्चिमबाट विर्तामोड काकडभिट्टा र त्यहाँबाट इटहरी, धरान लगायतका स्थानमा आवतजावत रोकिएको छ। कलभर्ट भत्किएको ठाउँ लखनपुरस्थित सशस्त्र प्रहरीको पाथिभरा गणभन्दा पाँच सय मिटर पूर्व पर्छ। बाढीले झापा जिल्लाका अधिकांश स्थान जलमग्न छन्।