भारतीय फौजद्वारा ५० परिवारलाई घर छोड्न धम्की

 दिनेश कार्की झापा । 
नेपाली भूमिमा बस्तै आएका यहाँका ५० परिवारलाई तत्काल घर छोड्न भारतीय सीमा सुरक्षा बल एसएसबीले धम्की दिएको छ । 

'यहाँ आएर नापे अनि किला ठोकेर यो ठाउँ खाली गर्नु भन्दै गएका छन्'  झापा पाठामारी-८ का सवीर आलमले भन्नुभयो 'पहिले सात दिनमा छोडिसक्नु भने फेरि दुई महिनाको समय दिएका छन् ।' पहिले नेपाली जमिनमा बसेका पाठामारी-८ का ५० परिवार २०५३ सालमा गाडिएको नयाँ स्तम्भपछि दशगजा क्षेत्रमा परेका छन् । पाँच दिनअघि त्यहाँ आएका भारतीय सुरक्षा फौजले दशगजा  खाली गर्न धम्की
दिएको स्थानीय अमरुद्दिन मियाले जानकारी दिनुभयो ।

simana micheko kilo dekhudai

'त्यहाँको ६ नम्बर जंगे पिलरलाई आधार मान्ने हो भने त्यो नेपाली भूमि हो २०२१ सालको सर्पट नापीबाट नेपाली जग्गाधनी प्रमाण पुर्जा बनेको छु सीमासम्बन्धी जानकार मेची क्याम्पस प्रमुख चिन्तामणि दाहालले भन्नुभयो  '११२ नम्बर पिलरलाई आधार मान्दा दशगजा क्षेत्र परेको हो ।' उहाँले अन्तर्राष्ट्रिय सीमा सम्बन्धी कानुनलाई मान्ने हो भने एक पक्षीय रुपमा आएर कसैलाई घर छोड भन्ने अधिकार नरहेको बताउनु भयो । त्यहाँको दशगजा क्षेत्रमा भारतीय पनि बसेका छन् । तर एसएसबीले नेपालीलाई मात्र धम्की दिएको जानकारी दिँदै आलमले भन्नुभयो 'उनीहरुले यहाँ भिडन्त पनि हुनसक्छ भनेका छन् ।' एसएसबीले टाटीले बारेका घरका टाटी पनि भत्काइदिएको स्थानीयबासीले बताए । 

१११ नम्बर पिलर भने मेची पारी पर्छ त्यो ठाउँमा एसएसबीको क्याम्प छ । उनीहरुले दशगजा मात्र होइन नेपाली भूमिमा नै क्याम्प बनाएका छन् । त्यसबारे नेपालको राज्यपक्ष भने बेखबर छ । भारतीय दादागिरीबारे स्थलगत अध्ययनका लागि वाईसीएल नेपालको संयोजनमा झापाका साचारकर्मी र एमाओवादी कार्यकर्ताको एक टोली मंगलबार पाठामारी पुगेको थियो । टोलीमा हिक्मत असिम साचार सुलभ लगायतका माओवादी कार्यकर्ता र साचारकर्मी थिए ।