स्वरोजगार फाराम भर्ने युवा विदेशतिर

तत्कालिन माओवादी सरकारले ल्याएको युवा स्वरोजगार कार्यक्रम लागू नै नभएपछि स्वरोजगार फाराम भरी तालिम लिन खोज्ने युवाहरु निराश भएका छन् । तालिम लिएर युवा स्वरोजगार हुन चाहनेहरुका लागि सरकारले अनुदानको व्यवस्था गर्ने घोषणा गरेपनि लागू हुन नसकेपछि उनिहरुमा यो निराशा उत्पन्न भएको हो । स्वरोजगारको फाराम भर्नेहरुले पनि खासै उपलब्धि हासिल गर्न नसकेकाले पनि युवामा निराशा जागेको हो । 

पूर्वी पहाडी जिल्लामा युवाहरु बढी निराश भएको त्यहाँका सरकारी अधिकृतहरुको भनाई छ । इलाम जिल्लाका विभिन्न गा.वि.स.का पन्ध्र हजार पच्चिस युवाले त्यसका लागि इलाम उद्योग वाणिज्य संघमा आवेदन दिएका थिए । तीमध्ये एकहजार असी जनालाई मात्र उद्योग वाणिज्य संघले तालिम दिएको छ । सरकारले ल्याएको सो

त्यस्तै झापाका पच्चिसहजार भन्दा बढी युवाहरुले स्वरोजगार फाराम भरी तालिम पाउन आवेदन दिएकोमा दुई हजारभन्दा बढीले तालिम लिन पाएका छैनन् । माओवादी नेतृत्वको सरकारले घोषणा गरेको कार्यक्रम सरकार परिवर्तनसँगै लागू नभएपछि निवेदन दिएर तालिम समेत लिई निराश बनेका युवाहरु अहिले विदेश जाने तयारी गर्दैछन् । स्वरोजगार बनाउन सरकारले स्वरोजगार फाराम भर्न आवेदन अव्हान गरेपछि बेरोजगार युवकहरु उत्साहित भएका थिए । तालिम लिएर नयाँ काम गर्ने सोच बनाएका इभाङ–१ का गणेशकुमार राई यतिवेला विदेश जान लागेको बताउँछन् ।