अब नेपालका मालबाहक ट्रकहरु सिधै बंगलादेश

ढाकामा बंगलादेश र नेपालबीचको सचिव स्तरीय वार्तामा आयात निर्यात बढाउन नेपालका मालबाहक ट्रकहरुलाई बंगलादेशका सुख्खा बन्दरगाहसम्म पुग्न दिने, काँकडभिट्टा–पानिटंकी–फुलबारी–बंगलाबन्द मार्ग अधितम प्रयोगमा ल्याउने लगायतका सहमति भएको थियो ।
नेपालबाट विशेषगरी दाल, चिरैतो र अदुवा बंगलादेश निर्यात हुने गर्दछ भने सीसा, कपडा, पेय पदार्थ, ब्याट्री बंगलादेशबाट आयात हुने वस्तुहरु हुन् । करीब १४ बर्षअघिदेखि बंगलादेशसंग सीधा व्यापार गर्न नेपाललाई पूर्वी नाका काँकडभिट्टा देखि बंगलादेशको बंगलाबन्दसम्म पुग्न भारतले बाटो दिएपछि बंगलादेशसंगको व्यापारिक लेनदेन अहिले बढदो अवस्थामा छ । तर नेपालबाट सामान बोकेर गएका ट्रकहरु अहिलेपनि सिधै बंगलादेश छिर्न पाउँदैनन् । अहिलेसम्म जति व्यापारिक लेन देन भए अत्यन्तै दुखपूर्ण भएको भन्दै सहमतिको कार्यान्वयनमा नेपालका व्यापारीहरुले जोड दिएका छन् । एकजना व्यापारी विजय डालमिया, “सहमति गरेर मात्र हुँदैन त्यस्लाई लागु समेत गर्नु पर्छ । होईन भने त के अर्थ भो र । तर हामी आशाबादी छौं चाँडो भन्दा चाँडो सहमति कार्यान्वयन होस् ।
तर भारत बंगलादेश सीमामा भोग्नु पर्ने अप्ठ्याराहरुको समाधानमा अझैपनि ढुक्क हुन सक्ने अवस्था नरहेको बताउँछन् मेची उद्योग वाण्ँिज्य संघका अध्यक्ष केशव पाण्डे भन्छन्, “केही उपलब्धिहरु पाईन्छ कि भन्ने कुरा देखिएको छ तर जब सम्म हाम्रा मालबाहक ट्रकहरु बंगलादेश छिर्द पाउँदैनन् तब सम्म विश्वास गर्न सकिंदैन ।
नेपाल र बंगलादेशबीचको कुराकानीले व्यापारको वातावरण केही सहज बनाएपनि सामान ओसार पसारमा भारतको बाटो प्रयोग गर्नु पर्ने हुनाले तीनवटै देशबीच त्रिपक्षीय सम्झौता नगरी सुख नहुने आयात निर्यातमा संलग्न व्यापारीहरु बताउँछन् ।

Filed Under: समाचार