राजश्वमा ११७ प्रतिशत बृद्धि
मेचीनगर अनलाइन
|
Friday, August 20, 2010
|
0 comments
आन्तरिक राजश्व कार्यालय भद्रपुरले आ.व. २०६६/६७ मा लक्ष्य भन्दा १ सय १७ प्रतिशत बढी राजश्व संकलन गरेको छ ।
आन्तरिक राजश्व कार्यालय भद्रपुरले कूल ३८ करोड रुपैयाँ संकलन गर्ने लक्ष्य लिएकोमा १ सय १७ प्रतिशतले बृद्धि गरी ६६ करोड रुपैयाँ राजश्व संकलन गरेको हो । कार्यालयले मूल्य अभिबृद्धि करमा २० करोड , १ लाख ८१ हजार, अन्तशुल्क, २१ करोड ६४ लाख, आयकर २१ करोड २२ लाख ४५ हजार, भ्याटकर १२ लाख २४ हजार एक सय, शिक्षा सेवा कर ६ लाख ५६ हजार संकलन गरेको आन्तरिक राजश्व कार्यालयका प्रमुख कृष्णप्रसाद पराजुलीले बताउनुभयो ।
कार्यालयले साउन महिनाको लक्ष्य ३ करोड पाएकोमा ४ करोड ५४ लाख ३ हजार ३सय संकलन गरी लक्ष्यभन्दा बढी राजश्वमा बृद्धि गरेको छ ।
दुईबर्ष अघि झण्डै २५ करोड लक्ष्य बोकेको आन्तरिक राजश्व कार्यालय भद्रपुरले राजश्व दोब्बर बृद्धि गर्न सफल भएको कर प्रमुख पराजुलीले बताउनुभयो । उहाँले भन्नुभयो–‘शिक्षा सेवा कर भने निरास जनक रहेको छ ।’ ४५ लाख लक्ष्य पाएको आन्तरिक राजश्व कार्यालय भद्रपुरले शिक्षा सेवा करबाट ६ लाख ५६ हजार मात्र संकलन गरेको छ ।
Filed Under: समाचार
0 comments
Trackback URL | Comments RSS Feed