७ दिनमा ११ जनाको मृत्यु

सुव्रत न्यौपाने झापा १० भदौ 

    मेची अञ्चलमा बाढी पहिरोको विनाश श्रृङ्खला तीव्र भएको छ । भदौको पहिलो साताभित्र मात्रै बाढीले बगाएर र पहिरोले पुरिएर एघार जनाले ज्यान गुमाएका छन् । पहिरोमा पुरिएका तीन जनाको अवस्था अझै अज्ञात छ । यसअघि साउन र भदौमा मात्रै झापामा १७ जनाको ज्यान गएको थियो । 

  छ दिनदेखिको निरन्तर वर्षाका कारण झापा, इलाम, पाँचथर र ताप्लेजुङमा बाढी र पहिरोको विनाश श्रृङ्खला बढेको हो । बाढीले सयौ विघा खेतीयोग्य जमिन कटान गरेको छ । पछिल्लो पटक झापामा २४ घरपरिवार विस्थापित भएका छन् । 

   ताप्लेजुङको सादेवामा पहिरोमा पुरिएर एकै परिवारका तीन जना वेपत्ता भएका छन् । सुतिरहेको बेला मंगलवार विहान चेप्टेभीरबाट खसेको पहिरोले घर बगाउँदा स्थानीय आताहङ लिम्बु, उन

   बाढीले बगाएर झापा र इलाममा पाँच –पाँच जनाले ज्यान गुमाएको मेची अञ्चल प्रहरी कार्यालय भद्रपुरले जनाएको छ । प्रहरी निरीक्षक सुनिल दहालका अनुसार मृत्यु हुनेमा झापा पृथ्वीनगर– ४ भीमनगरका जनकलाल राजवंशी, दमक –११ का भक्तबहादुर श्रेष्ठ, कोरोवारी–१ का मदन कटुवाल, पृथ्वीनगर–८ का लालहा लिम्वू र नाम नखुलेका अर्का एक युवक छन् । खोला तर्ने क्रममा उनीहरुको मृत्यु भएको होे ।

   त्यसैगरी इलामको आमचोक र फुएँतप्पा गाविसको बीचमा रहेको मुगे खोलाले बगाउँदा एकै परिवारको तीन जनाको मृत्यु भएको छ । आमचोक–१ का ५० वर्षीय मङ्गलसिंह लिम्बू, उनकी २४ वर्षीया बुहारी सोनम र एक वर्षीया नातिनी करुणालाई खोलाले बगाएको थियो । खोला तार्ने क्रममा मङ्गलसिंहसहित बुहारी र नातिनीलाई बाढीले बगाएको इलाका प्रहरी कार्यालय मङ्गलबारेका प्रहरी निरीक झपेन्द्र भट्टराईले बताए । उनीहरु आमा छोरी जितपुरस्थित माइतीघरबाट फर्कंदै थिए ।

 बुहारी र नातिनीलाई खोला तार्न गएका मङ्गलसिंहलाई पनि खोलाले बगाएको स्थानीय उद्धव लामिछानेले बताए । लामिछानेका अनुसार मङ्गलसिंहको शव पाँच सय मिटर र सोनमको शव एक किलोमिटर तल फेला परेको थियो । वालिकाको शव भेटिएको छैन । इलाम जिर्मले– ३ का प्रेम तामाङ झापाको बाहुनडाँगीमा मुत अवस्थामा फेला परेको प्रनि दहालले जानकारी दिए । उनलाई इलामबाट खोलाले बगाएर ल्याएको हो ।

  इलामको दानाबारीस्थित गरुवा खोलाले बगाएर मुत्यु भएका एक व्यक्तिको सनाखत छैन । बाढीले बगाएका उनको साथमा ४० हजार रुपैयाँ फेला परेको प्रहरीले जनाएको छ । त्यस्तै पाँचथरको फाक्तेप गाविसमा गएको पहिरोमा पुरिएर नवमीडाँडा– २ की ११ वर्षीया कृतिका नेम्वाङको ज्यान गएको छ । 

  झापाका विभिन्न खोलामा आएको बाढीका कारण एकसाता यता २४ घर परिवार विस्थापित भएका छन् । विरीङ र कनकाई खोलामा आएको बाढीका कारण झापाको डाँगीवारीमा १६ र पाँचगाछीमा आठ घर परिवार विस्थापित भएको नेपाल रेडक्रस सोसाइटी झापाले जनाएको छ । विस्थापितलाई विद्यालय, रेडक्रस भवन र आफन्तको घरमा बस्ने व्यवस्था मिलाइएको छ ।