पढाई विद्यावारिधि तलब २११५

तर पारिश्रमिकको कुरो उठ्ना साथ मिश्र मलिन हुन्छन् । भन्छन् ‘महिना भरि पढाँउदा एक्काईससय पन्ध्र रुपैँया मात्र हात लाग्छ ।’ भुटानी शरणार्थीको शैक्षिक सहायतामा संलग्न पश्चिमा संस्था कारितासले दोस्रो बर्गका लाई एकहजार छ सय र तेस्रो बर्गकालाई एकहजार दुुईसय रुपैँया महिनावारी पारिश्रमिक दिने गरेको छ । सहायता पाइरहेका शरणार्थी मध्ये पढेलेखेकालाई उनीहरुको समाजको सहयोगको लागि कम पारिश्रमिकमा काम गराइएको कारितासको भनाई छ । ‘यो नागरिकता नहुँदाको पीडा हो ’ संस्कृत ब्याकरणका अध्येता मिश्र भन्छन् ।
सन् १९९१ मा भुटानको वाङचुक सरकारले दक्षिणी क्षेत्रका नेपाली भाषी नागरिकलाई खेदेर बस्ती उजाड पारेको खबर बनारसमा व्याकरणका ऋचा घोकिरहेका बासुदेवका कानमा पुग्यो । निचुलाबाट पढ्न बनारस गएका बासुदेवको बाबुआमासँग झापाको कन्काई बगरमा २ बर्षपछि १९९३ मा भेट भयो । त्यसपछि उनले  निस्तो अलिनो खाएरै भएपनि बनारसमा पढाई चालु गरे । ‘शुरुमा पढन जाँदा म दक्षिण भुटानको एउटा पठित मध्यम बर्गको सदस्य थिँए , पढिसकेर फर्कीँदा अर्काको मुलुकमा शरणार्थी भईसकेको थिए ’ मिश्रले भने ।
राष्ट्रसंघीय सहायताको भरमा चलेको एउटा शरणार्थी परिवारका बिद्याबारिधी मुली ४१ बर्षीय बासुदेव महिनाभरिको कमाईले आधा महिनाको चिया नास्ता खर्च मात्र जुटेको बताँउछन्

Filed Under: समाचार