इजाजतबिना भारतीयले लादैछन् नेपालको ढुंगा–गिट्टी

दिनेश कार्की । झापा । 

सीमावर्ती क्षेत्रको नेपाली भू–भागमा पर्ने नदीबाट भारतीय क्रसर उद्योगले ढुंगा–गिट्टी निर्यात गरिरहेका छन् । 

नेपाल भारतको सीमामा रहेको मेची नदीको भू–भागबाट विना इजाजत भारतीय क्रसर उद्योगले दैनिक ढुंगा गिट्टी निर्यात गर्ने गरेका हुन्

झापाको उत्तरपूर्वी गाविस बाहुनडाँगँी र इलामको जिर्मले गाविसमा पर्ने मेचीको बगरबाट ढुंगा–गिट्टी भारत लान थालेको १० बर्ष बढी भइसकेको बाहुनडाँगी गाविसका पूर्व सचिव नीलकण्ठ तिवारीले जानकारी दिनुभयो । अहिले पनि त्यो क्रम जारी रहेको र भारतको नक्सालबाडी, ताराबारी क्षेत्रका क्रसर उद्योगले दैनिक ठूलो परिणाममा ढंगा–गिट्टी निर्यात गर्ने गरेको तिवारीले बताउनुभयो अन्य क्षेत्रबाट पनि ढुंगा–गिट्टी लैजाने क्रम बढेको स्थानीयबासी बताउँछन् ।