कल्भर्ट भासिँदा राजमार्ग ठप्प/कटान जारी/सयाँै विस्थापित
मेचीनगर अनलाइन
|
Friday, August 27, 2010
|
0 comments
झापा,११ भदौ, सन्जीब चापागाईं
झापाको मेचीनगर नगरपालिका–२ स्थित ढुक्कुरे पैनीको कल्भर्ट भासिएपछि पुर्व–पश्चिम राजमार्गमा आज विहानैबाट यातायात सेवा अवरुद्ध भएको छ । गए रातिदेखिको अविरल वर्षाका कारण सो कल्भर्ट भासिएको र विहान ६ वजेवाट ठुला सवारी साधन र यात्रुवहाक बस सञ्चालनमा रोक लगाइएको इलाका प्रहरी कार्यालय धुलावारीले जनाएको छ ।पुर्व पश्चिम राजमार्गमा पर्ने सो कल्भर्ड भासिएपछि सयौ सवारी साधन वाटैमा अलपत्र परेका छन । नेपालको पूर्वीनाका काँकरभिट्टावाट झण्डै आठ किलोमिटर पश्चिममा रहेको सो कल्भर्ट मर्मतका लागि सडक डिभिजन कार्यलयवाट प्राविधिकको टोली आइसकेको र भोलिसम्ममा मर्मत सकिने प्रमुख वरालले जानकारी दिनुभयो ।
त्यस्तै वाढीका कारण मेचीनगर १० स्थित कालिखोलामा रहेको काठेपुल समेत भत्कीएको छ ।सो पुल भत्कदा रमाइलो वस्तीका दर्जनौ घरपरिवारका सर्वसाधारणलाइ आवतजावतमा समस्या भएको इलाका प्रहरी कार्याल काकरभिट्टाले जनाएको छ ।
त्यस्तै टिमाइ खोलामा आएको वाढले मेचीनगर नगरपालीका–१ स्थित धुलावारीमा एक घर वगाएको छ भने दर्जनौ घरमा पनि पसेको छ । गएराति आएको वाढीले स्थानीय मिलन लुइटेलको घर वगाउदा उनको ४ जनाको परिवार विस्थापित वनेको छ ।
उता अविरल वर्षापछि हडिया खोलामा आएको वाढी गाँउ पस्दा झापाको घोडामारा स्थित भालु चौरी भन्ने स्थानमा १६ घर डुवानमा परेका छन ।
उनिहरुको उद्धारका लागि त्यहा जनपथ प्रहरी र सशस्त्र प्रहरीको टोलि खटिएको जिल्ला प्रहरी कार्यालय झापाले जनाएको छ ।
यसैबीच, बाढीले गर्दा जिल्लाको दक्षिणी भेक कुमरखोद गाविसको सतारबस्तीका ५२ परिवार विस्थापित हुने अवस्थामा पुगेका छन् ।
यता विरीङ्ग नदिले डागिवारी वडानम्वर २ मा कटान जारी राखेका कारण खोला जुनसुकै वेला गाउ पस्न सक्ने सम्भावना वढेको स्थानीयवासीले वताएका छन । खोला गाउ पसे त्यहाँका सयौ घरपरिवार विस्थापित हुने जिल्ला प्रहरी कार्यालय झापाले जनाएको छ ।
चन्द्रगढीको सुकुम्वासी टोल, भद्रपुर नगरपालिका र डाँगीबारी गाविसमा बाढीको पानी पसेपछि जनजीवन अस्तव्यस्त भएको छ ।
उता कमल–बनियानी नदीमा आएको बाढीले झापाको दक्षिणी भेगका महाभारा–८ स्थित मानवबस्तीमा व्यापक कटान गर्नुका साथै १५० बिघा जग्गासमेत बगाएको छ ।
बाढीको पानी मानवबस्तीमा पसेकाले अहिलेसम्ममा ११ परिवारको घर बगाइसकेको र बस्ती नै जोखिममा परेको स्थानीय विजय अग्रवालले जानकारी दिनुभयो ।
उहाका अनुसार सो वडाको टुनुबस्तीका कृष्ण राजवंशी, एकली राजवंशी, धर्म राजवंशी, मनोरथ भट्टराई, लक्ष्मण भट्टराई, बलर ताजपुरिया, धर्म ताजपुरिया र हागरु ताजपुरिया गरी ११ परिवारको घर कटान भइसकेको र अझैं कटान जारी छ । विस्थापित परिवारहरू आ–आफना आफन्तको घरमा जान वाध्य छन् ।
निरन्तर वर्षा भइरहेकाले दुधे–महाभारा र कुञ्जीबारीका ठाउँठाउँमा सडक क्षतिग्रस्त भएकाले यातायात सेवा समेत ठप्प भएको छ ।
बाढीको कारणले महाभारा गाविसको वडा नं १ देखि ८ सम्म व्यापकरूपमा क्षति भइरहेको र वडा नं ३ स्थित बालकल्याण मावि भवनसमेत कटान हुने सम्भावना बढेर गएको छ । वर्षाले झापाको विभिन्न ठाउँहरूमा थप क्षति हुने सम्भावना रहेको छ ।
यता रतुवा खोलामा आएको बाढीका कारण लखनपुर गाविसका वडा नं १, ३, ५, ८ र ९ का करिब १०० घर डुबानमा परेका छन् ।
Filed Under: समाचार
0 comments
Trackback URL | Comments RSS Feed