अस्ट्रेलियामा नेपाल महोत्सव

सिड्नी (अस्ट्रेलिया), भाद्र २१ - अस्ट्रेलियाको डालिङ हार्बर रातो चन्द्र सूर्य अंकित झन्डाले झकिझकाउ थियो । नेपाली पोसाक लगाएका युवायुवती आगन्तुकलाई व्यवस्थित गर्न र महोत्सव व्यवस्थापन गर्न व्यस्त थिए । स्वयंसेवक स्टलमा आएका विदेशी पाहुनालाई नेपाल पर्यटन वर्ष र नेपाली कला संस्कृतिबारे जानकारी दिन व्यस्त थिए ।

महोत्सवमा नेपाली कला संस्कृति र पर्यटकीय क्षेत्रबारे जानकारी लिन विदेशी पनि उत्सुक देखिन्थे । अस्ट्रेलियास्थित नेपाली दूतावास

 प्रत्येक दुई वर्षमा यहाँ नेपाल महोत्सव आयोजना हुँदै आएको छ । बिहान ९ बजेदेखि सुरु भएको महोत्सवमा युवायुवतीको साथै वृद्धावृद्धाको समेत सहभागिता

थियो । त्यति मात्र नभएर यहाँ रहेका विभिन्न देशका विदेशी दर्शकले समेत महोत्सवको आनन्द लिएका थिए । उनीहरू विशेष गरेर नेपाली कला संस्कृतिबारे जानकारी लिन साथै परम्परागत वेशभूषाप्रति आकषिर्त थिए । मेला आयोजकमध्येको एक एनआरएन अस्ट्रेलियाका अध्यक्ष धु्रव सुवेदीले मेलाको सफलतापश्चात पर्यटन वर्षमा थप विदेशी पर्यटकले नेपाल भ्रमण गर्ने विश्वास व्यक्त गरे । 'हाम्रो मुख्य उद्देश्य सरकारले घोषणा गरेको पर्यटन वर्षलाई सफल बनाउने हो,' उनले भने, यसमा हामी सफल बनेका छौं ।'     महोत्सवमा अस्ट्रेलिया सरकारका पार्लियामेन्ट सेक्रेटरी लौरी फरगुसन र नेपाली राजदूत योगेन्द्र ढकाललगायतको पनि सहभागिता थियो । 
Source : Kantipur