ग्रामीण क्षेत्रमा एडीएसएल

विर्तामोड भाद्र १७ नेपाल टेलिकमको ल्याण्डलाईन टेलिफोनबाट सञ्चालन हुने एडीएसएल प्रविधिको ईन्टरनेट सेवा झापाका ग्रामिण क्षेत्रमा पनि विस्तार भएको छ । नेपाल टेलिकमको दमक कार्यालयले झापाका दक्षिणी गाविसहरु केर्खा, गौरादह, झिलझिले र मोरङको उर्लावारी र पथरीमा सेवा विस्तार गर्ने भएको हो भने टेलिकमको
विर्तामोड कार्यालयले विर्तामोड क्षेत्र, शनिश्चरे गाविस, बुधबारे गाविस मा यो सेवा विस्तार गरेको छ भने धुलावारी काँकडभिट्टामा छिट्टै नै यो सेवा विस्तार गर्ने तयारीमा रहेको कुरा नेपाल टेलिकम शाखा विर्तामोडले जानकारी दिएको छ ।

पछिल्लो तथ्याङ्कअनुसार झापको विर्तामोडबाट एडीएसएल सेवा लिने ग्राहकको संख्या २५० नाघेको छ भने दमकबाट एडीएसएल सेवा लिने ग्राहको संख्या १५० रहेको छ । नेपाल टेलिकमले अहिले 128 Kbps, 256 Kbps र Volume Based 256 Kbps को ईन्टरनेट सेवा उपलव्ध गराईरहेको छ भने पहिलेदेखिको डायल अप सुविधा भने यथावत रहेको छ । 

ग्राहक 128 Kbps को Unlimited इन्टरेनेट सुविधा लिएवापत नेपाल टेलिकमलाई माशिक रु १००० बुझाउनुर्छ तर त्यसमा डायलअप जस्तो टेलिफोनको विल भने तिर्नुपर्दैन, र 256 Kbps माशिक रु १५०० बुझाउनुपर्दछ भने Volume Based 512 Kbps for 2 GB data download  गरेवात ३ महिनाको १९६० कर वाहेक नेपाल टेलिकमलाई बुझाउनुपर्दछ ।