लोप हुँदैछन खर र परालले छाएका घरहरु

इटाभट्टा २७ भाद्र भित्री गाउँमा समेत टिनले छाएका र पक्की घर निर्माण हुन थालेपछि खर र पराले छाएका घर हराउँदै गएका छन् । बढ्दो आधुनिकीकरणसँगै पराल र खरको अभावले पनि यस्ता घर लोप हुँदै गएको हो ।

घर नबनेपछि खर र पराल बिक्री गरेर बार्षिक लाखौँ रुपैयाँ कमाई गर्नेहरु वैकल्पिक पेसा रोज्न बाध्य छन् । खरको खेती गरेर जीविको पार्जन गर्ने झापा ज्यामिरगढीका हरिकृष्ण राउत मान्छेले खर र परालले घर छाउन नै छाडेको कारण अहिले धान, मकै लगायतका खेती गरेर बस्न थालेका बताउँछन् ।

त्यस्तै, घर छाएर मजदुरी गर्दै आएका मजदूरको पेसा पनि सङ्कटमा परेको बीरबहादुर लामाले बताए । ‘गाउँ–सहरमा मान्छेले खर र परालले छाएका घर नै बनाउन छाडिसके’, लामाले भने, ‘अनि कसले काम गर्न बोलाउने ?’ पक्कीका घर धमाधम निर्माण भएपछि घर निर्माण सामग्रीको मुल्य भने आकसिएको स्थानीयवासी बताउँछन् । निर्माण मजदुरको ज्यालामा समेत बृद्धि भएको छ । तर, बूढापाका भने खर र परालले छाएका घरमा बस्न पाउँदाको जस्तो आनन्द टिन र पक्की घरमा नहुने बताउँछन् ।

Filed Under: फिचर