गोलभेँडा खेतीबाट घडेरी

इलाम २७ भाद्र इलामको याङ गाउँका किसान दीपेन्द्र गड्तौलाले गोलभेँडा खेती गरेरै घडेरी जोडेका छन् । यो वर्षको आम्दानीले नौ रोपनी जमिन जोडेको उनले बताए । 

अघिल्लो वर्षको आम्दानीले उनले आठ रोपनी जमिन जोडेका थिए । पञ्चकन्या–७ आठघरेका गड्तौलाले फिक्कलको याङमा २५ रोपनी जग्गा भाडामा लिएर व्यावसायिक गोलभेँडा खेती गरेका हुन् । वार्षिक ८० हजार रुपैयामा भाडामा लिएको जमिनमा १५ लाखको गोलभेँडा बिक्रि गर्न आपूm सफल भएको उनले बताए ।

गड्तौलाका अनुसार खर्च कटाएर १० लाख रुपैयाँ नाफा भएको छ । अब उनले सोही जग्गामा आलु र काउलीखेती गर्ने योजना रहेको सुनाए । दीपेन्द्र आपूmले मात्र कमाएनन्, धेरै जनालाई रोजागारी पनि दिएका छन् । उनले गोलभेँडा खेतीमा १० जनालाई ६ महिनादेखि दैनिक रोजागारीमा राखेका छन् । गोलभेँडाखेतीमा औषधि उपचार गर्न मासिक सात हजार रुपैया तिरेर प्राविधिक समेत राखेको उनी बताउँछन् । प्राविधिकबाट गाउँमा अरुले लगाएको गोलभेँडा खेतीमा समेत सहयोग पुगको स्थानीय युवराज न्यौपानेले बताए । 

दीपेन्द्र मात्र होइन, याङ गाउँका अधिकांश किसान व्यावसायिक गोलभेँडा खेतितर्फ आकर्षित छन् । यो याममा उनीहरुले २५ लाख रुपैयाभन्दा बढीको गोलभेँडा बेचेका छन् । याङ गाउँका दुई दर्जनभन्दा बढी किसानले व्यावसायिकरुपमा गोलभेँडा खेती गर्दै आएका छन् । युवराज न्यौपाने आप्mनो थोरै जग्गा भएका कारणले गर्दा एक यामको २५ हजार रुपैयाँमा जग्गा भाडामा लिएर लगाएको गोलभेँडाबाट पाँच लाख आम्दानी भएको बताउँछन् । यति धेरै गोलभेँडा उत्पादन भएको इलामकै यो गाउँ पहिलो हो । यहाँ उत्पादित गोलभेँडा भारत निकासी हुने गरको छ । 

अन्नबालीको तुलनामा थोरै समयमा राम्रो आम्दानी हुने भएकाले यहाँ व्यावसायिक तरकारीजन्य खेती फस्टाउँदो छ । याङ गाउँमा मात्र होइन पछिल्लो समयमा जिल्लाका पशुपतिनगर, गोर्खे, बरबोटे, चमैतालगायत गाउँ विकास समितिमा व्यावसायिकरुपमा तरकारीजन्य खेती हुने गरेको छ ।