दुर्घटनामा चालक र चिकित्सकको मृत्यु
मेचीनगर अनलाइन
|
Thursday, September 16, 2010
|
0 comments
विराटनगर, आश्विन १ - पूर्वपश्चिम राजमार्गको मोरङ खण्डमा पर्ने डाँगीहाट गाविसको भाउन्नेमा भएको सवारी दुर्घटनामा एक चिकित्सक र चालकको मृत्यु भएको छ । विहीवार साँझ पश्चिमबाट पूर्व आउदै गरेको को १ च ३७५९ नम्बरको रामलाल गोल्छा आँखा अस्पतालको एम्बुलेन्सलाई विपरीत दिशाबाट आएको ना ३ ख ७७८८ नम्बरको मालबहाक ट्रकले ठक्कर दिंदा भएको दुर्घटनामा परि डा.अन्जुमन मेधी र चालक सुनसरी डंग्राहाका धर्मेन्द्र चौधरीको मृत्यु भएको प्रहरीले बताएको छ ।
दुर्घटनामा चालकको घटना स्थलमै र डा. मेधीको धरानस्थित वीपी कोइराला स्वास्थ्य विज्ञान प्रतिष्ठानमा बेलुकी करीव ८ बजे उपचारका क्रममा मृत्यु भएको इलाका प्रहरी कार्यालय बेलबारीका प्रहरी निरीक्षक रुद्र चुडालले बताएका छन् । भारत आसाम घर भएका डा. मेधी श्रीमतीलाई सिलीगुडीमा छाडेर र्फकने क्रममा दुर्घटना भएको प्रहरीले बताएको छ । उनी तीन महिनाअघिमात्र आँखा अस्पतालमा नियुक्त भएका थिए । घटनापछि ट्रकमा चालक फरार भएको प्रहरीले बताएको छ ।
Filed Under: समाचार
0 comments
Trackback URL | Comments RSS Feed