भुटानी नेता हत्या मुद्दाको मिसिल सर्वोच्चबाट गायव

विर्तामोड २९ भाद्र÷ भुटानी नेता आ.के. बुढाथोकीको हत्या सम्वन्धी मुद्दाको मिसिल सर्वोच्च अदालतबाट गायब भएको छ । 

सर्वोच्च अदालले २०६६ असोजमा झापा जिल्ला अदालतमा मिसिल पठाएको बताएको छ । तर, झापा जिल्ला अदालतमा आएको कुनै प्रमाण नभएको चिठ्ठी पुर्जी फाँटले जनाएको छ । सरकाले यही साउन २८ गते बुढाथोकी हत्याका मुख्य आरोपित रामचन्द्र सुवेदी सहितका १० जनाको मुद्दा फिर्ता लिएको थियो । गृह मन्त्रालयको सिफारिसमा सरकाले मुद्दा फिर्ता लिएकाले मिसिल सर्वोच्चमै हुनुपर्ने जिकिर झापा जिल्ला अदालतका

सरकारका मुख्य सचिव माधवप्रसाद घिमिरेका पत्रका आधारमा जिल्ला सरकारी वकिलको कार्यालय झापाले भदौ २४ गते फिर्ता लिन झापा जिल्ला अदालतलाई आग्रह सहितको पत्र पठाएको छ । तर मिसिल नभेटिएपछि बुढाथोकी हत्या प्रकरणको मुद्दा तत्काल फिर्ता नहुने भएको छ । मुद्दा फिर्ताका विषयमा झापा जिल्ला अदालतका मुख्य न्यायधीश शम्भुराम कार्कीले मिसिल फेला परेपछि मिसिलको अध्ययन गर्ने र चाहेरीवाला र तीनको कानुन व्यवसायीसँगको छलफल पछि मुद्दा फिर्ता लिने नलिने निर्णय गरिने बताउनुभयो ।