दुई युवती डेढ वर्षदेखि बेपत्ता
मेचीनगर अनलाइन
|
Tuesday, September 14, 2010
|
0 comments
इलाम/ वैदेशिक रोजगारका लागि गएका इलामको सुलुबुङका दुई युवती डेढ वर्षदेखि बेपत्ता छन् । सुलुबुङ -६ का दलबहादुर शिवाकी १९ वर्षीया छोरी पवित्रा ५ फागुन ०६५ मा कतारका लागि हिँडेकोमा हालसम्म सम्पर्कविहीन भएकी हुन् ।
उनलाई गाउँकै रामकुमारी बुर्जामार्फत काठमाडौँकी लाक्पा भनिने दलालले भारतको मुम्बईबाट कतारका लागि उडाएको भन्नेसम्मको खबर आए पनि उनले डेढ वर्ष बित्दासम्म परिवारमा सम्पर्क नगरेको पीडितले बताएका छन् । उनलाई लैजाँदा १५ दिनमा पुगेको खबर आउने र दुई महिनापछि पैसा पठाउने आश्वासन दिइएको थियो ।
यस्तै, सुलुबुङ-२ का लीलाबहादुर राराहाङकी २१ वर्षीया छोरी सुमित्रा पनि ०६५ बैशाख पहिलो हप्तादेखि परिवारको सम्पर्कभन्दा बाहिर छिन् । उनलाई माइमझुवाका ओमकार गुरुङमार्फत झापा सुरुंगाका भूपेन्द्र कार्कीले भारतको मुम्बईबाटै कतार लगेको भने पनि उनी अहिलेसम्म सम्पर्कमा नआएको पीडित परिवारले बताएका छन् । उनीहरूको खोजीका लागि परिवारले स्थानीय बन्दुके प्रहरी चौकीमा आग्रह गरेका छन् ।
Filed Under: समाचार
0 comments
Trackback URL | Comments RSS Feed