मलेसियामा चार युवक बन्धक
मेचीनगर अनलाइन
|
Sunday, September 19, 2010
|
0 comments
इटहरी, असोज ३- वैदेशिक रोजगारका लागि तीन महिनाअघि मलेसिया पुगेका चार नेपाली युवालाई मालिकले बन्दी बनाएर राखेको छ। सुनसरी हाँसपोसाका लेखराज धमला, इटहरी–८ का सुरेश कार्की, मोरङ पथरीका टीकाराम परियार र वलपरासीका कासीराम चौधरीलाई बन्दी बनाइएको आफन्तले बताएका छन्।
बन्दी बनाइएकामध्ये कार्कीका दाजु शङ्करका अनुसार मालिकले कोठाभित्र थुनेर बन्दी बनाई राखेका छन्। सुरेशले टेलिफोन गरी घरमा जानकारी गराएअनुसार मालिकले यसअघि १७ जना नेपाली कामदारलाई बन्दी बनाएर राखे पनि अहिले अरु बाँकीलाई छाडेर चार जनालाई यथावत् राखिएको छ।
गण्डकी ओभरसिजबाट मलेसियाको केलाङस्थित प्लास्टिक फ्याक्ट्रीमा काम गर्न गएर बन्दी भएपछि आफन्तले फर्काउनका लागि श्रम मन्त्रालयमा उजुरी दिएको बताएका छन्। आफन्तले आइतबार इटहरीस्थित गण्डकी ओभरसिजको कार्यालयमा तालाबन्दीसमेत गरेका छन्।
Source :- Nagariknews
Filed Under: परदेश
0 comments
Trackback URL | Comments RSS Feed