मुर्ति सिंगार्न भ्याइनभ्याइ
मेचीनगर अनलाइन
|
Wednesday, September 15, 2010
|
0 comments
पर्वत पोर्तेल चारपाने ( झापा ) – शनिश्चरे झापाका हुस्रालाल राजवंशीलाई केही दिन यता कसैसंग वोल्ने फुर्सद छैन् । नजिकिदै गएको विश्वकर्मा पुजाका लागि मुर्ति तयार पार्नै पर्ने वाध्यताले उनीलाई कसैसंग गफगाफ गर्ने फुर्सद नभएको हो । उज्यालो हुने वित्तिकै झापा चारपानेस्थित मुर्ति निर्माणस्थल आइपुग्ने उनको दैनिकी अवेरसम्म चलिरहन्छ । उनी भन्छन्,‘साथी भाई आउदा गफगाफ गर्न पनि फुर्सद पाउदिन ।’
 |
| झापाको चारपानेमा विश्वकर्माकोमुर्ति सिंगार्दै राजवंशी । तस्वीरः पर्वत पोर्तेल |
विश्वकर्मा पुजाका लागि मात्रै विभिन्न स्थानबाट ५०–६० वटा मुर्ति बनाउने अर्डर आएका कारण राजवंशी अव्यस्त बनेका हुन् । त्यसैले समयमा
मुर्ति तयार गर्न कम्मर कसेर लागि परेका छन् । उनलाई साथ दिएकी छन् आफ्नै छोरी चानछोरी राजवंशीले । ‘छोरीले धेरै सहयोग गरिरहेकी छ’, मुति सिंगार्दै राजवंशीले भने,‘छोरी नभए यत्रो मुर्ति तयार गर्न मलाई गाह्रो पर्ने थियो ।’ चानछोरी सानै उमेरदेखि वुवाको पछि लागेर माटो मुच्ने, रंग लगाउने गर्थिन् । अहिले वावुको मुख्य सहयोगीको रुपमा रहेकी उनी आफै पनि मुर्ति बनाउन माहिर छिन् । आदिवासी समुदायमा छोरीले यस्तो काम गर्नु हुदैन भन्ने मान्यता रहदै आएको छ । तर, उनी विना हिच्किचाहट मुर्ति बनाउछिन् । भन्छिन्,‘मुर्ति वनाउदा शरीरमा एक किसिमको उर्जा पैदा हुने गरेको छ ।’ उनी सिजनमा मुर्ति बनाउछिन । अन्य समय साग सव्जी विक्री गरेर जिविका चलाउछिन् । उनले वावुको शेषपछि यसै पेशालाई निरन्तरता दिने मेचीनगर अनलाईन बताइन् । नजिकिएको विश्वकर्मा पुजा, दुर्गा पुजा, काली पुजाका कारण साग सव्जी वेच्न छाडेर यतैतिर पुर्ण समय छुट्याएर लागेको वताउछिन् ।राजवंशी वावु छोरीले हप्तामा ४ देखि ६ वटाका दरले मुर्ति निर्माण गर्दै आएका छन् । यसवाट उनीहरुले मनग्ये आम्दानी गरिरहेका छन् । पुजा आउन तीन दिन मात्रै छ । त्यसैले जोडतोडका साथ लागेका छन् उनीहरु । ‘९९ प्रतिशत काम सकिसक्यो’, राजवंशी भन्छन्,‘अव सिंगारपटार मात्रै बाकी छ ।’ मुर्ति निर्माणका लागि नजिकैको इटाभट्टाबाट माटो ल्याइने गरेको बताए । राजवंशीले एउटा मुर्ति ६ सय देखि २५ सय रुपैयासम्ममा विक्री गर्दै आएका छन् ।
Filed Under: रिपोर्ट
0 comments
Trackback URL | Comments RSS Feed