मागे जति चन्दा नदिंदा कलेजमा तोडफेड
मेचीनगर अनलाइन
|
Monday, September 13, 2010
|
0 comments
धरान, भाद्र २८ - मागे जति चन्दा नदिए पछि माओवादीको अखिल क्रान्तिकारीका विद्यार्थीले धरान-४ लक्ष्मी सडकस्थित सुनसरी टेक्नीकल कजेलमा सोमबार तोडफोड गरेका छन् ।अखिल क्रान्तिकारीका केन्द्रीय सदस्य मदन चुडाल, सिपि बजगाई, समिन लिम्बूलगायतको समुहले कलेज भित्र प्रवेश गरेर करिव चार लाख रुपैया बराबरको धनमालको क्षति पुर्याएको कलेजका संचालक लेखिराज सुव्वाले बताए ।
 |
| धरान टेक्लिनक कलेजको लेखाशाखामा गरिएको तोडफेडको एक दृष्य |
चन्दा कति सम्म दिने र लिने विषयमा वार्ता भइरहेको बेला उनीहरुले सोचे जति नपाउने भए पछि क्रान्तिकारी विद्यार्थीले धम्कीको कडा भाषा प्रयोग गर्दै बसेको ठाउँबाट उठ्न साथ तोडफोड गरेको सुव्वाले बताए । उनले भने, 'हामीले सोच्यौं, चन्दा नपाउने भए पछि क्रान्तिकारी विद्यार्थी जाने भएछन् । तर एक्कासी तोडफोडमा पो उत्रिए ।' क्रान्तिकारीले कलेजका केही कम्प्यूटर, सिसाका झ्याल, एलमुनियम पार्टेसन, टेवलका दराजहरु करिव १० मिनेटसम्म तोडफोड गरेका थिए ।
कलेज प्रशासनले तोडफोड र अराजक गतिविधिमा संलग्नलाई तत्काल पक्राउ गरेर कडा कारवाही गर्न किटानी जाहेरी दिएको छ । जाहेरी दिंदै सुव्वाले भने, 'नेपालमा पनि कानुन होलानी । पीडितलाई न्याय र दोषिलाई दण्ड त दिने निकाय होलानी । यदि कानुनै छैन भने हामी पनि कलेज बन्द गरेर राजनीतिक दलको नाममा गुण्डा गर्दी, दादागीरी मचाउदा हुने रैछ भन्ने बुझ्नु पर्ने बेला आएको छ ।'
माओवादीका सुनसरी क्षेत्र नं १ का सेक्रेटरी असोक राईले चन्दा उठाउने नीति माओवादी भित्र नरहेको बताए । उनले भने, 'चन्दा उठाउने कार्यक्रम र नीति छैन । साथीहरुले अलिक वढी गरेरछन् ।'
Source:- Ekantipur
Filed Under: समाचार
0 comments
Trackback URL | Comments RSS Feed