विद्यालय खोलापारी घर खोलावारी

उनी कक्षा ३ मा पढ्न भानु उच्च मावि भृकुटी आउँछन् । तर उनलाई निन्दाखोलामा आउने बाढीले न त विद्यालय जान दिन्छ जसोतसो गरेर विद्यालय गइहाले भने पनि बेलुका घर फर्कदा अचानक आउने बाढीले घर जानबाट बञ्चित गराउने गरेको छ । अशोक त यस ठाउँका प्रतिनिधि पात्र मात्र हुन् उनी जस्ता हजारौं विद्यार्थी बाढीको जोखिम मोल्दै विद्यालय धाउने गरेका छन् ।

विशेष गरेर पहलेधाप, बडागाँउ, भावनाचोक, हिन्दुगढ, तेलपानी सेङलेङटार, खम्बुटार लगायतका क्षेत्रका विद्यार्थीहरु प्राविदेखि उच्च माविसम्मको शिक्षा लिनबाट बञ्चित हुने गरेका हुन् ।

पहेलेधाप, हिन्दुगढ र भावना चोकमा एउटा पनि प्रावि स्कुल नहुनु अनि अन्य क्षेत्रबाट उच्च मावि पढ्नका लािग मेची जनसाधारण उच्च मावि आउनुपर्ने बाध्यता नै रहेको छ । जसका निम्ति खोलामा विद्यार्थी तर्न सक्नेसम्मको पुल नहुँदा त्यसक्षेत्रका अधिकांश विद्यार्थीहरु विद्यालय जानबाट बञ्चित हुने गरेका छन् । जेठ महिनादेखि भदौको अन्तिमसातासम्म आउने बाढीका कारण विद्यार्थीहरु प्रत्यक्ष मारमा पर्ने गरेको जनता माविका विज्ञान शिक्षक भुपेन्द्र दाहाल बताउनुहुन्छ । उहाँ भन्नुहुन्छ– ‘यो समस्यामा विद्यार्थीमात्र होइन, सम्पूर्ण बाहुनडाँगीबासीलाई नै प्रत्यक्ष असर पर्ने गरेको छ’।

तीमाथि वडा नं. ५ सबैभन्दा बढी बाढीको चपेटामा पर्ने गरेको छ । किनकि आपूmलाई चाहिने आधारभूत सामाग्री लिन समेत खोला तर्नुपर्ने बाध्यता रहेको छ । साथै यो समस्या विद्यार्थीहरु विद्यालय नआउने भएकाले बेलामा कोर्ष नसिद्धिने गरेको शिक्षकहरु बताउँछन् ।

यसरी प्रभावित हुने विद्यालयहरुमा भानु उच्च मावि, मेची जनसाधारण उच्च मावि, जनता मावि, पूर्वाञ्चल बोर्डिङ स्कुल रहेका छन् । यी विद्यालयहरुमा अधिकांश विद्यार्थीहरु निन्दा खोला तर्नुपर्ने बाध्यता रहेको छ । भावना चोक, तेलपानी र खम्बुटार लगायतका क्षेत्रबाट उच्च मावि पढ्न विद्यार्थीहरु भानु उच्च मावि र मेची जनसाधारण उच्च मावि आउने गरेका छन् ।

मेची जनसाधारणका प्राचार्य मुक्ति चापागाई भन्नुहुन्छ ‘धेरैजसो विद्यार्थीहरु खोला तरेर आउनुपर्ने भएकाले बाढी आएको दिन त क्याम्पसनै बन्द गर्नुपर्ने अवस्था हुन्छ यिनै समस्याहरु समाधान गर्ने उद्देश्यले भर्खर मात्र पुल निर्माणका निम्ती राष्ट्रिय योजना आयोग, सडक विभाग र नेपालस्थित भारतीय राजदुतावासमा बाहुनडाँगीबाट गएको सात जनाको टोलीले निवेदन दर्ता गराएका छन् ।

यस क्षेत्रमा पुल निर्माण हुनसकेमा सिंगो बाहुनडाँगीका बासिन्दा मात्र होइन शान्तिनगर, बुधबारे, इलाम तथा भारतका विभिन्न ठाउँका बासिनदा समेत लाभान्वित हुनेछन् । जनता माविका विव्यस अध्यक्ष बसन्त पौड्याल भन्नुहुन्छ ‘यस क्षेत्रमा पुल निर्माणका निम्ति एमाले अध्यक्ष झलनाथ खनाल, केपी शर्मा ओली, कांग्रेस नेता कृष्णप्रसाद सिटौला र सभासद उषा गुरुङ लगायतका नेताहरुले विशेष महत्व दिएकालेले पनि केही वर्षभित्रमा नै पुल निर्माण हुने कुरामा हामीलाई विश्वास रहेको छ ।