झापा आउँदा सँधै व्यस्त सभासद् राजवंशी

विर्तामोड, भाद्र २९ । नेकपा एमाओवादीका क्षेत्र नं ३ का सांसद पूर्ण सिंह राजवंशी झापा आफ्नो निवास आउँदा जनताका काममा भ्याई नभ्याई हुन्छन् । राजधानीबाट गृह जिल्लामा शान्तिका सास फेर्न पाइन्छकी भन्ने सोच बनाएर झापा आउँदा जनताले घरैमा घेरेपछि भ्याई नभ्याई हुन पुगेको बताउँछन् । 

झापा हल्दीबारी ९ निवासी सांसद राजवंशी यस अघि चिरपरिचत नेपाली काँग्रेसका नेता कृष्ण प्रसाद सिटौलालाई उछिन्दै संविधान निर्माण गर्न पुगेका हुन् । काँग्रेसका प्रभावशाली नेता सिटौललाई उछिन्दै राजवंशी भएकोले उनको सोर्स र सहयोग चारैतिर हुन्छ भनेरै उनलाई जनता गुह्रान आउँछन् । 

प्लास्टिकको चप्पल, सिम्पल भेष्ट र पेन्टमा भेटिएका राजवंशी मंगलबार घरबाट निक्लदाँ मेची अस्पतालमा गाँउकी सुत्केरीलाई भत्ता दिलाएर, हल्दीबारी खण्डको बाटाहरुमा मर्मतका लागि जिल्ला विकास कार्यलयमा कुरा उठाउन आएका थिए । सोही दिन उनी नेपाल टेलिकम, विद्युत प्राधिकरण जस्ता ठाँउमा जनताका आवाज लिएर किन लाइन गडबड भइरहेको छ भन्दै पुगेका थिए । मंगलबाररै उनले आफ्नो सम्पत्ति विवरण आफ्नो नाममा १६ कठ्ठा जमिन भएको जिल्ला प्रशासनमा बुझाएका थिए । उनको साथमा डटपेन, सादा बुक र ९८४१५९२०३५ नम्बरको मोवाइल बोकेर हिडिरहेको अवस्थामा भेटिन्थें । छिनछिनमा उनको मोवाइलमा घन्टी बजथ्यो, सबैलाई हुन्छ, म काम गरिदिन्छु भन्दै हिडेका भटिन्थे । सभासद् राजवंशीलाई पार्टीको काम पनि त्यत्तिकै छ । झापा आउँदा जनताको काम गर्न पाइन्छ, पार्टीको काम गर्न पाइन्छ, राजधानी बस्दा त्यो दुवै काम नहुँदा कहिले काही खल्लो महसूस हुने गरेको यो संवाददातालाई बताए । 

पटक–पटकको प्रधानमन्त्री छनोटमा आफ्ना अध्यक्ष प्रचण्डलाई आगाडि बढाउन कोसीस गर्दा सातौं पटक पनि असफल भइएको र अब आठौं पटकमा आफ्नो अध्यक्ष पक्कै प्रधानमन्त्री हुने विश्वास व्यक्त गर्छन् । राजवंशी भन्छन् – ‘अब पनि मुलुकले प्रधानमन्त्री पाएन भने मुलुक भित्र छिमेकी हस्तक्षेप बढेर जाने बताउँछन्’ । उनी भन्छन् –‘हामीलाई जनताले संविधान लेख्न पठाएको हो प्रधानमन्त्री बनाउन होइन तर दुभाग्य प्रधानमन्त्री बिना संविधान लेख्न नसकिने नियम भएको हुनाले हाम्रो समय त्यत्तिकै व्यतित भइरहेको बताउँछन्’ । के तपाई यतिबेला प्रधानमन्त्रीका भोटर मात्र भइरहनु भएको छ कि भित्रभित्रै संविधान सम्बन्धी कामहरु भइरहेको छ भन्ने प्रश्नमा राजवंशी भन्छन्– ‘हेर्नुहोस दुई महिना यता कुनै पनि सभासद्ले संविधानको विषयमा स पनि बोलेका छैनन्, लेख्नेको त कुरै छाडिदिऊ’ त्यसो भए तपाई माननीय भए यता तपाईको गाँउमा कतिको विकास निर्माणका काम भएको छ ? हेर्नुहोस विकासको त कुरै छाडिदिऊ जताजतै बाटाहरु खाडलभएका छन्, एउटा काम चै मोवाइलको टावर ठडिएको रहेछ ।  तपाई आदिबासी नेता पनि हो तिनीहरुका क्षेत्रमा कति काम गर्नु भएको छ भन्दा राजवंशी हाँस्नबाहेक अरु उत्तर दिन सकेनन् । रहि पनि उनी भन्छन् आदिबासी क्षेत्रमा काम गर्न नसकेपनि गाँउ घरमा भ्याई नभ्याई भएको छ । सानो बच्चा बिरामी भए देखि प्रहरी प्रशासनमा आफूले भन्दा लाग्ने काम गरिदिँदै आएको छु । झापा आउँदा यस्तै हुन्छ सँधै मलाई ।