मजदुर हड्तालमा
मेचीनगर अनलाइन
|
Tuesday, September 14, 2010
|
0 comments
सुदिप कोइराला मोरङ २९ भदौ / पटक पटकको आन्दोलन र सँगै सँगै हुने गरेका सहमती कार्यान्वयन नभएपछि पिडित भएका मजदुरहरु अब भने बैधानीक रुपमा आन्दोलन स्वरुप हड्तालमा उत्रिने भएका छन् ।
विराटगर १८ स्थित साल्ट ट्रेडिङ कर्पोरेशनका मजदुरहरुले आफ्नो माग पुरा गराउन वैधानिक रुपले नै हड्तालमा उत्रिने भएका हुन् ।
सेवा सुविधा सहितका १९ वुँदे माग राखेर बिगत ३ वर्षदेखि निरन्तर आन्दोलन गर्दै आयौं पटक पटक सहमती भए तर माग पूरा गराउन गम्भिरता नदेखीएपछि बैधानीक रुपले अघि बढ्ने निर्णय गरेका छौं , एक मजदुरले बताए । पटक पटक व्यवस्थापन पक्षसँग वार्ताबाट निकाश ननिस्कैकारण वैधानकि रुपमा हडताल गर्ने कि नगर्ने भनेर निर्वाचन गराएरै कानुनी हडताल गर्न लागेका हौं , अखिल नेपाल औधोगिक मजदुर संघ ईकाई समितीकी अध्यक्ष प्रमीला शर्माले वताइन् ।
ऐन अनुसार उधोग प्रतिष्ठानमा हडताल गर्न कार्यरत ५१ प्रतिशत कामदार कर्मचारीहरुको सहमती आवश्यक पर्ने भएपनि कम्पनीमा रहेका ७० वढि मजदुरहरु सवै एकजुट भएकोले वैधानिक हडताल हुनेमा मजदुरहरुले दावी गरेका छन् ।
गैरकानुनी हडताल गर्दा मजदुरहरु बिभिन्न बाधा ब्यबधान आउने भएकाले नै यसो गरिएको उनिहरुको भनाइ रहेको छ ।
निर्वाचनकावेला संचारकर्मी र अधिकारर्मीलाई समेत लगेर अनुगमन गराउने निर्णय गरिसकेको अखिल नेपाल ट्रेड युनियन महासंघका केन्द्रिय सदस्य तेजलाल कर्णले वताए ।
Filed Under: समाचार
0 comments
Trackback URL | Comments RSS Feed