पोलिथिन हटाउने अभियान

इलाम २१ भाद्र इलाम नगरपालिकाले आर्थिक वर्ष २०११ लाई लक्षित गरी नगर सफा बनाउन पोलिथिन झोला हटाउने अभियान थालेको छ । 

नगरपालिकाले सात वर्षअघि सञ्चालन गरेको यहि अभियान पोलिथिनको विकल्प दिन नसक्दा असफल भएको थियो । पहिलेको असफलताबाट पाठ सिकेका छौं नगरपालिकाका कार्यकारी अधिकृत युवराज दाहालले भने । 

नगरपालिकाले कालो पोलिथिन झोलालाई एक महिनाभित्र हटाइसक्ने  र अन्यलाई कम गर्दै लाने बताएको छ । ‘पोलिथिन झोला विक्रि नगर्न बिक्रेतालाई पनि अनुरोध गरिरहेका छौ’ दाहालले मेचीनगर अनलाइनलाई टेलिफोन मार्फत जानकारी गराएका छन् । 

कालो पोलिथिनमा हुने प्रोपेलिन, बेनजिन, फेनोल, इथिलिनजस्ता रसायनले क्यान्सर पेट तथा फोक्सोको समस्या देखा पर्दछ । पोलिथिन सड्न बर्षौ लाग्ने र जलाउँदा हाइड्रोकार्वन र क्लोरोकार्वन जस्ता बिषालु ग्याँस निस्कने गर्दछ । 

नगरपालिकाले पोलिथिनको विकल्पमा प्रतिगोटा रु १५ पर्ने जुटको झोला विक्रि गरिरहेको छ । हटियाको दिन चोकबजारमा स्टल राखेर जुटको झोला बेचिरहेको पनि उनले जानकारी दिए । जुट वा कपडाको झोला बोक्न आग्रह गर्दैै नगरमा सचेतना कार्यक्रम पनि सञ्चालन भैरहेको छ । त्यति मात्रै होइन नगरभित्रका खोल्सा, सडक, नालीमा फ्याकिएका पोलिथनहरुपनि संकलन गर्ने काम सुरु गरिएको छ ।