सीमा क्षेत्रका बोर्डिङ स्कुलमा भारतीय गाडी प्रयोग

पर्वत पोर्तेल काँकडभिट्टा भाद्र १८/ झापाका निजी बोर्डिङ विद्यार्थी बोक्नका लागि भारतीय गाडी प्रयोग गर्ने गरेका छन् । यस्ता गाडी प्रयोग गर्नेमा सीमाक्षेत्रका विद्यालयहरु बढी छन् । काँकडभिट्टा र धुलाबारी क्षेत्रका विद्यालयले भारतीय नम्बर प्लेटका सवारी साधन प्रयोग गरेर विद्यार्थी बोक्ने गरेका हुन् । 

सरकारबाट मान्यप्राप्त धुलाबारीको कन्भेन्ट इंलिस स्कुल र काँकडभिट्टाको नर्थ पोइन्ट उच्चमाविले भारतीय गाडी प्रयोग गरेका हुन् । कन्भेन्टले डब्ल्युबी ७४ सी ९४०१ तथा नर्थपोइन्टले एसके ०२–६५२६ नम्बरको मारुती भ्यान प्रयोग गर्दैै आएको छ । कन्भेन्टको गाडी विद्यालयका प्रिन्सिपल विक्रम क्षेत्रीका भाइ राजेनको नाममा छ । नर्थपोइन्टको गाडी भारतमा रहेको आफन्तको नाममा रहेको बताइएको छ ।गाडीले ग्रामीण क्षेत्रका विद्यार्थीलाई ल्याउने–पु¥याउने गर्छन् । कन्भेन्टको
गाडीले धुलाबारी, लीलावस्ती, निन्दा र जोरसिमल तथा आसपासका विद्यार्थी बोक्दै आएको छ भने नर्थप्वाइन्टले कलेजका विद्यार्थीलाई बाहुनडाँगी पु¥याउने र ल्याउने गर्छ । जिल्ला शिक्षा अधिकारी दीपक काप्mलेले यसबारे जानकारी नभएको प्रशासनसँग समन्वय गरेर बुभ्mने बताए ।

मेची भन्सार कार्यालयका अधिकृत शिशिर घिमिरेका अनुसार रात बस्ने हकमा अस्थायी पैठारीबापत भारतीय नम्बर प्लेटका मोटरसाइकलले १ सय ५० र अन्य गाडीले ३ सय ५० रुपैयाँसम्म तिर्नुपर्ने हुन्छ । नेपाल र भारतको सीमावर्ती क्षेत्रमा नजिकको बजारसम्म कुनै पनि भन्सार विना मोटरसाइकल सञ्चालन गर्न सकिन्छ । नेपालको हकमा धुलाबारी बजारसम्म र भारतको हकमा नक्शलसम्म विना भन्सार  मोटरसाइकल चलाउन सकिने जानकारी भन्सारका अधिकृतले मेचीनगर अनलाइनलाई जानकारी दिएका छन् ।  भन्सार नलाग्ने भएकाले यहाँ भारतीय सवारी त्यसमा पनि मोटरसाइकलको अत्याधिक प्रयोग भइरहेको छ । 

सीमावर्ती क्षेत्रका अधिकांश भारतीय गाडी भन्सार नतिरी आवतजावत गर्ने गरेको पाइएको छ । भन्सार अधिकृत घिमिरेले भने, ‘यसले कानूनको उल्लघंनका साथै राजस्व पनि गुमेको छ ।’

जिल्ला ट्राफिक प्रहरी निरिक्षक शान्तिराज कोइरालाले भन्सार नतिरी नेपालमो बसेको अवस्थामा पक्राउ गरी कारवाहीका लागि भन्सार बुझाउने सकिने जानकारी दिए ।