सुत्केरी स्याहार्दै प्रहरी
मेचीनगर अनलाइन
|
Thursday, September 9, 2010
|
0 comments
कुमार लुइटेल दमक / झापा दमकस्थित इलाका प्रहरी कार्यालयको हिरासतमा रहेकी दुर्गा रेग्मीलाई सोमबार प्रसव बेथाले च्याप्यो । प्रहरी निरिक्षक नवीन कार्की नेतृत्वको प्रहरी टोलीले उनलाई तुरुन्तै अस्पताल पु¥यायो । रेग्मीले ओम मेची अस्पतालमा छोरो जन्माइन् ।
इप्रका दमकका प्रहरीले अहिले उनलाई गरेको असल व्यवहारका कारण उनले सुत्केरीले पाउनुपर्ने माया प्रहरीबाटै पाएकी छिन् । ‘मानवीयताको आधारले पनि आप्mनै खर्चमा सुत्केरी गराउन अस्पताल पु¥याएँ ।’ प्रहरी निरिक्षक नवीन कार्कीले भने, ‘अहिले हिरासतमै खाना र अन्य व्यवस्था गरिदिएको छु ।’ उनलाई स्यार सुसार गर्न एकजना महिला प्रहरी नै खटाइएको उनले बताए ।
अदालतबाट अपराध सावित भई सजाय भोगकाहरुले पाउने सेवा सुविधाको विषयमा उल्लेख भए पनि प्रहरी हिरासतमा सुत्केरी हुनेलाई के गर्ने भन्ने कहीँ उल्लेख नभएको कार्कीले बताए ।
दमक–९ का सारिका र रुनुमाया धिमाललाई बेचबिखन गर्ने नियतले भारततर्फ लैजाने क्रममा एक महिनाअघि रेग्मी र उनका श्रीमान विनोद भाटियालाई माइती नेपालले पक्राउ गरेर प्रहरीलाई जिम्मा लगाएको थियो । एक महिनाअघि सुनौली नाकामा भारत जान लाग्दा पक्राउ परेका धिमालद्धयलाई घर फर्काएपछि फेरी सिलगुढी नाकाबाट ती युवतीलाई भारत लैजान उक्साउँदै गर्दा गाउँलेले पक्राउ गरी प्रहरीको जिम्मा लगाएको छ । प्रहरीले भदौ २० गते दुर्गालाई चन्द्रगढीबाट पक्राउ गरेको गरेको थियो । भाटिया पनि प्रहरी हिरासतमा दमकमै छन् । श्रीमती सुत्केरी भएपछि प्रहरीले उनलाई पुरुष थुनुवा कोठाबाट सारेर श्रीमतीसँगै बस्ने सुविधा दिएको छ । मुद्दा अदालन नजाउन्जेल सुत्केरी र बच्चाको नियमित स्वास्थ्य जाँच गर्नेलगायत व्यवस्था समेत प्रहरीले गरिदिएको छ । इप्रका दमककी महिला प्रहरी भगवती चौधरीले सुत्केरीको स्याहार गर्न थालेकी छन् ।
Filed Under: फिचर
0 comments
Trackback URL | Comments RSS Feed