सुरुङगामा व्यवस्थित बधशाला

सुरुङ्गा २९ भाद्र/ झापाको सुरुङ्गामा रहेको अव्यवस्थित मासु बजारलाई व्यवस्थित गरिएको छ । 

सुरुङ्गा गाविसको ५ लाख रुपैंयाको लागतमा छुट्टै बधशाला निर्माण गरी माछा–मासु पसललाई व्यवस्थित गरिएको हो । अव्यवस्थित रुप बिक्री गरिदै आएको मासु बजारले दुर्गन्ध फैलाएपछि मासु पसलहरु सारिएको गाविसले जनाएको छ । गाविसले सार्वजनिक सूचना गरी बधशाला बाहिर मासु पसल गर्ने जो कोहीलाई कारवाही गर्ने जनाएको छ ।

सुरुङ्गा बजारमा जथाभावी रुपमा खसी, कुखुरा काटी बिक्री गरेर उपभोक्ताले स्वस्थ्य मासु खान नपाएको र मासु पसलेले मनपरी दरररेटमा मासु बिक्री गर्दा उपभोक्त ठगिएको व्यापक जनगुनासो आएको थियो । त्यसैले उपभोक्ताको गुनासोर्ला मध्येनजर गर्दै गाविसको पहलमा मासु पसललाई छुट्टै व्यवस्थापन गरिएको बजार व्यवस्थापन समितिका अध्यक्ष बालकृष्ण मैनालीले मेचीनगर अनलाईनलाई जानकारी दिनुभएको छ ।