५ वर्षको चुरोटको रकम मन्दिरलाई
मेचीनगर अनलाइन
|
Sunday, September 26, 2010
|
0 comments
 |
| ५ वर्षको चुरोटको रकम दान गर्ने तीर्थबहादुर खड्का । सेतो लुगामा |
झिलझिले, १० असोज /एक जना चुरोटको अम्मलीले मासिक रुपमा त्यसमा कति रकम खर्चेला ? यस्तो हिसाब राख्नेहरु विरलै होलान् । तर, सतासीधामका एक पूर्व ‘चुरोटप्रेमी’ले ५ वर्षको हिसाब मात्रै निकालेका छैनन्, त्यस अवधिमा चुरोटमा हुने खर्च बराबरको रकम मन्दिरलाई दान समेत गरेका छन् ।
सतासीधाम–५ का ५३ वर्षीय तीर्थबहादुर खड्काले आफ्नो ५ वर्षको चुरोट खर्च बराबरको रकम स्थानीय शिवालय मन्दिरलाई दान गरेका हुन् । ‘खुकुरी’ चुरोटका पारखी खड्काका अनुसार उनी दैनिक ४० खिल्ली चुरोट पिउँथे । त्यसमा ६० रुपैयाँ खर्च हुन्थ्यो । ‘त्यो हिसाबले ५ वर्षमा १ लाख ९
हजार ५ सय खर्च हुने रहेछ’, स्थानीय छिमेकी सहकारीका अध्यक्ष समेत रहेका खड्का भन्छन् – ‘त्यो रकम मैले मन्दिरलाई दिएको हुँ ।’खड्का पत्नी भागिरथाले त्यसैमा २१ हजार ५ सय ५५ थपिदिएपछि मन्दिरले १ लाख ३१ हजार २५ रुपैयाँ पाएको छ । खड्काले मन्दिरलाई रकम दान गरेपछि निर्माणाधीन भवनको काममा सहयोग पुग्ने शिवालय मन्दिरले जनाएको छ ।
चुरोटको लत स्वास्थ्य र प्रतिष्ठा दुबैका लागि हितकर नहुने निष्कर्षमा पुगेर गत बैशाखदेखि पिउन छाडेको उनले बताए । लत त्याग्न स्थानीय प्रणामी मन्दिरका साधु पर्शुराम अधिकारीको सहयोग पाएको उनको भनाई छ ।
Filed Under: फिचर
0 comments
Trackback URL | Comments RSS Feed