पूर्वाञ्चलका जिल्ला हुलाक ३ वर्षदेखि निमित्तको भरमा

राजु अधिकारी,काँकडभिट्टा,  अतिरिक्त आम्दानी नहुने भन्दै कर्मचारीहरु जान नमानेपछि पूर्वका अधिकांश जिल्ला हुलाका कार्यालहरु बर्षौदेखि निमित्तको भरमा चलिरहेका छन् । मेची, कोशी र सगरमाथा अञ्चलका १५ जिल्ला हुलामध्धे १३ वटा कार्यालय तीन वर्षभनदा बढी समयदेखि निमित्त प्रमुखका भरमा चलेका छन् । यसले मातहतका कर्मचारीलाई स्वेच्छाचारी बनाएको हुलाक सेवामै संलग्न कर्मचारीहरुले बताउँछन् । 

‘प्रमुख नै कार्यालयमा नभएपछि कर्मचारीले अरुलाई टेर्दैनन्, यसले हुलाकको कार्यशैलीप्रति आम गुनासो बढाएको छ । प्रमुख नहुँदा मातहतका कर्मचारुीहरुको कार्यसम्पादन मूल्याँकन, पुरस्कार तथा दण्ड तोक्ने एवम् कार्यालयले गर्नुपर्ने महत्वपूर्ण निर्णयसमेत प्रभावित भएको छ । 

निजामति सेवा ऐनअनुसार जिल्ला कार्यालयहरुमा कर्मचारीको कार्यसम्पादन मूल्यांकन शाखा अधिकृत तहदेखि माथिकाले मात्रै गर्न पाउँछन् । 

पूर्वका १६ जिल्लामध्धे १५ वटामा मात्रै जिल्ला हुलाक कार्यालय छन् । पूर्वाञ्चलको क्षेत्रीय हुलाका निर्देशनालय भएको मोरङमा जिल्ला हुलाक छैन । अन्य जिल्लामध्धे सुनसरी र उदयपुरमा मात्रै शाखा अधिकृत प्रमुखका रुपमा कार्यरत छन् । बाँकी १३ वटामा निमित्तको भरमा कार्यालय चलेका छ । निजामति सेवाको राजपत्रांकित तृतीय श्रेणीको अधिकृत जिल्ला हुलाकको प्रमुख हुने व्यवस्था छ । त्यस अनुसार दरबन्दी पनि हरेक कार्यालयमा तोकिएको छ । तर अतिरिक्त आम्दानी नहुने भएकाले जिल्ला हुलाकको प्रमुख भएर आउन अधिकृत कर्मचारी हिच्किचाउने गरेका छन् । 

सञ्चारको आधुनिक प्रविधि विकससित भइसेकेको समयमा पनि परम्परागत ढंगले चलेको भनेर आलोचित हुलाक विभागले फितलो रक मजोर सेवाका रकाण पनि जन विश्वास गुमाउँदै गएको छ । कर्मचारीहरुले कमजोर कार्यशैली त्यसको एउटा मुख्य कारण भएको छ ।