इलामनगरपालिका देशकै दोस्रो प्लाष्टिक निषेधित क्षेत्र
मेचीनगर अनलाइन
|
Friday, October 1, 2010
|
0 comments
कोकिला ढकाल/इलाम, १६ असोज प्लास्टिक हटाआंै, वातावरण जोगाऔ भन्ने नाराका साथ इलाम सदरमुकामलाई प्लाष्टिक मूक्त क्षेत्र घोषणा गर्दे सुक्रबार देखि प्लाष्टिक प्रयोगमा प्रतिबन्ध लगाइएको छ । प्लाष्टिक निषेधित क्षेत्र घोषणा संगै वातावरणीय प्रदुषण रोक्न इलाम नगरपालिकाले शुरु गरेको प्लाष्टिकविरोधी अभियान उलंघन गर्नेलाई कार्बाही समेत गरिने भएको छ ।
.JPG) |
| अभियानअन्तर्गत पोलिथिनको झोला निषेध गरी कपडाको झोला प्रयोग गर्न कपडाको झोला बिक्री गरिँदै । |
प्लाष्टिक झोला प्रयोग गर्नेलाई दूईसय रुपैयाँ र बिक्रीगर्नेलाई ५ सय रुपैयाँसम्म जरिवाना गर्ने नगरपालिकाले जनाएको छ । नगरपालिकाले सात दिन सम्म प्लाष्टिक प्रयोग नियन्त्रण भएनभएको अनुगमन पनि सुरु गरेको छ ।
नगर क्षेत्रका दुई जनासम्म यस्तो झोला निर्माण गर्ने व्यवसायीलाई ५० हजार रुपैयाँका दरले प्रोत्साहन रकम वितरण गर्न थालिएको नगर अधिकृत युवराज दाहालले जानकारी दिए । इलाम उद्योग बाणिज्य संघलगायत विभिन्न संघसंस्थास“ग समन्वय गरी अभियानलाई प्रभावकारी वनाइने कार्यालयले जनाएको छ । कार्यालयले सदरमुकामका व्यापारी व्यावसायीलाई पोलिथिन झोला आयात वा खरिद नगर्न र प्रत्येक पसल वा घर अगाडि अनिवार्य रुपमा डस्विन राख्न निर्देशन दिएको छ ।
काठमाण्डौं उपत्यका पछि बढी प्लाष्टिक प्रयोगहुने मानिएको इलाम नगरपालिकामा गरिएको अध्ययनमा यहाँ दैनिक ७ सय ३० किलो प्लाष्टिक प्रयोग हुने गरेको सीम एन आयोजनाले जनाएको छ । देशका ५८ नगर पालिका मध्ये सबै भन्दा सानो रहेको इलामनगर पालिकामा सबै भन्दा बढी प्लाष्टिक प्रयोग हुने अध्ययनमा देखाइएको छ ।
पर्यटन वर्ष २०११ लाई पनि मध्यनजर गर्दै प्लाष्टिक मुक्त क्षेत्र घोषणा गरिएकोले यसको अध्ययन र अवलोकनका लागि थप पर्यटकहरुको आकर्षण बढ्ने उद्योगवाणिज्य संघ इलामका अध्यक्ष भिष्म वैद्य बताउँछन् । प्लाष्टिक निषेधित क्षेत्र पर्यटकीय नगरी पोखरा पछि इलाम दोस्रो प्लाष्टिक निषेधित क्षेत्र रहेको बताइएको छ ।
फोटो फाइलः एन्टी प्लास्टिक
कपडाको झोलाको प्रयोग गर्न प्रवर्धन गर्दै
Filed Under: रिपोर्ट
0 comments
Trackback URL | Comments RSS Feed