मन्त्री मिनेन्द्र रिजाल ताप्लेजुङमा

रविन भट्टराई÷ताप्लेजुङ, कातिक २, कामचलाउ सरकारका संस्कृती मन्त्री मिनेन्द्र रिजालले पाथीभरा देवीसँग नेपालीहरुको सुख,समृद्धि, शान्ति र संविधान लेखनका लागि शक्ति माग्ने बताएका छन । ताप्लेजुङमा अवस्थित पाथीभरा देवी मन्दिरमा पुजा अर्चनाकालागि गएका मन्त्री रिजालले सुकेटार विमानस्थलमा उक्त कुरा बताएका हुन । रिजाल ३ हजार ७ सय ९४ मिटरको उचाइमा रहेको पाथीभरा दर्शनका लागि पहिलो पटक पैदलै जाने उच्च ओहदाका पहिलो ब्यक्ति भएका छन ।

 यसअघि तत्कालिन राजा, प्रधानमन्त्री, सेनापती लगायतका ब्यक्तिहरु हेलिकप्टरवाट पाथीभरा गएका थिए । हाल पाथीभरा मन्दिरसम्म नै भाडामा हेलिकप्टर सेवा समेत सञ्चालन भएको अवस्थामा रिजाल भने पैदलै हिँडेका छन । पहिला पाथीभरा पुगेर बरदान माग्छु त्यसपछि फर्किएर राष्ट्रिय राजनीतिका बिषयमा कुरा गर्छु – उनले भने । रिजाल भोली बिहान पाथीभराको पुजा गर्दैछन । उनीसँग सुरक्षाकर्मी र पार्टीका कार्यकर्ता रहेका छन ।