सन्दकपुर क्षेत्रमा पर्यटक आगावमन सुरु
मेचीनगर अनलाइन
|
Friday, October 1, 2010
|
0 comments
इलाम, आश्विन १५ - पर्यटक प्रतिबन्ध हटाएपछि सीमावर्ती सन्दकपुर क्षेत्रमा पर्यटक आउने क्रम सुरु भएको छ । दार्जिलिङको सिंहलीला नेसनल पार्कले रेडपान्डाको प्रजनन् समयमा पर्यटकको आवागमनमा लगाएको प्रतिबन्ध खुला गरेपछि पर्यटक आउन थालेका हुन् ।
पार्कले जुन १५ तारिखदेखि तीन महिनाका लागि लगाएको प्रतिबन्ध खुला गरेपछि भारत भएर आउने पर्यटकको चहलपहल बढेको छ । पर्यटक प्रवेशले रेडपान्डाको प्रजननमा प्रभाव पर्ने भन्दै पार्कले हरेक वर्ष पर्यटकलाई प्रतिबन्ध लगाउने गरेको छ । भारतीय क्षेत्रमा प्रतिबन्धपछि नेपालको बाटो हुँदै यस क्षेत्रमा पर्यटक आउँदैनन् ।सीमावर्ती नेपाली क्षेत्रमा रहेका दुई दर्जनभन्दा धेरै होटल तीन महिना बन्द हुने गरेका छन् । मानेभञ्ज्याङदेखि फालोटसम्मको नेसनल पार्कभित्रको पदमार्गमा पर्यटक हिँडडुलमा प्रतिबन्ध लगाइएको थियो । यो क्षेत्र दृश्यावलोकन र जैविक विविधताका लागि प्रख्यात छ । सीमावर्ती क्षेत्रमा पाइने दुर्लभ रेडपान्डा पर्यटनको प्रमुख आधार हो । सिंहलीला क्षेत्रमा भारतले रेडपान्डालाई व्यवस्थित रूपमा संरक्षण गर्दै आएको छ ।
भारतले सीमा क्षेत्रमा मानेभञ्ज्याङदेखि पर्यटन पदमार्ग निर्माण गरेको छ । पदमार्ग भएर सीमा क्षेत्रका नेपाली पर्यटकीयस्थलमा ट्रेकिङका लागि भारतलगायत तेस्रो मुलुकका सयौं पर्यटक आउजाउ गर्दै आएका छन् । पर्यटक आउन थालेपछि उत्तरी क्षेत्रका होटल खुलेका छन् । पर्यटकीयस्थल मानेभञ्ज्याङ, चित्रे, मेघमा, तुम्लिङ, जौबारी, गैरीवास, कैंयाकट्टा, कालपोखरी, बिर्खेभञ्ज्याङ र सन्दकपुर क्षेत्रमा वर्षौंदेखि भारत भएर आउने पर्यटकलाई लक्षित गरेर नेपालमा होटल खोलिएका छन् ।
समाचार स्रोत कान्तिपुर
'असोज र कात्तिकमा पर्यटक आवागमन उच्च हुने भएकाले बर्खामा बन्द भएको घाटा उठाउन सकिएला,' सन्दकपुरस्थित शेर्पा च्यालेट होटलका नर्वु शेर्पाले भने । यो क्षेत्रमा वैशाखसम्मै पर्यटक आउजाउको क्रम चल्छ । कञ्चनजंघा, सगरमाथा लगायतका हिमशृंखला र सूर्योदय दृश्यावलोकन, राष्ट्रिय फूल लालीगुराँस, लोपोन्मुख जडिबुटी हिमाली जीवनशैलीलगायत अवलोकनका लागि पनि सीमावर्ती क्षेत्र प्रख्यात छ ।
Filed Under: समाचार
0 comments
Trackback URL | Comments RSS Feed