खेलाडीलाई कण्डम उपहार

सुरुङ्गा /फुटबल खेलमा बिजयी खेलाडीहरुलाई के पुरस्कार दिइन्छ । नगद, शिल्ड, प्रमाणपत्र यस्तै सोच्नु हुन्छ भने तपाई गलत पनि हुनुहुन्छ । 

यहाँस्थित फुटबल प्रतियोगितामा सहभागी खेलाडीहरुलार्य तपाईले सोचेभन्दा फरक कण्डम उपहार दिइएकमो छ । सुरुङ्गा जेसीसको आयोजनामा कनकाई मावि सुरुङ्गाको खेल मैदानमा सञ्चालित जिल्लास्तरीय नकआउट फुटबल प्रतियोगितामा शनिबार पाथीभरा एफउम दमकका पत्रकार र आयोजक सुरुङ्गा जेसीजबीच मैत्रीपूर्ण फुटबल खेल भएको थियो । प्रतियोगितामा सहभागी सम्पूर्ण खेलाडीलाई नेपाल परिवार नियोजन संघ झापा शाखाका कोषाध्यक्ष केदार गिरीले कण्डम उपहार दिनु भएको थियो ।

खेलाडीलाई खाजाको साथमा समेत कण्डम प्रदान गरिएको थियो । १६औं कण्डम दिवसको अवसर पारेर नेपाल परिवार नियोजन संघ झापा, सुरुङ्गा सहकार्य युवा क्लवको आयोजनामा सम्पन्न प्रतियोगितामा ३–२ गोल अन्तरले सुरुङ्गा जेसीसको टिम बिजयी भएको छ ।