पूर्बमन्त्री सॉवाको निधन, दाहसंस्कार विहिवार मात्र

रविन भट्टराई÷ताप्लेजुङ, कातिक १,

पूर्बमन्त्री तथा एकिकृत नेकपा माओवादीका केन्द्रिय सल्लाहकार कमिटी सदस्य अम्बीका सॉवाको दाहसंस्कार कार्तिक ४ गते विहिवार गरीने भएको छ ।

ताप्लेजुङमा रहेका सावाँका परीवार मंगलबार मात्र काठमाडौ पुग्ने भएको र माओवादि पार्टिले श्रद्धाञ्जलि कार्यक्रमको आयोजना गरेकोले दाहसंस्कारमा ढिलाई हुने सावाँका भतिजा बालकुमार सावाले जानकारी दिएका छन् ।

सावाले आफ्नो जन्मभुमि ताप्लेजुङको तमोर नदिमा दाहसंस्कार गरीदिनु भन्नु भएको भए पनि सबै परीवार काठमाडौमा रहेको कारण पशुपति आर्यघाटमानै दाहसंस्कार गरीने पारीवारीक श्रोतले बताएको छ ।

सावाँको दिवंगत शरिर अहिले ललितपुर स्थित नक्किबोधमा राखिएको छ । ७१ बर्षिय सॉवाको आइतवार राती नै मोडेल अस्पतालमा निधन भएको हो । सॉवालाई किड्नी र श्वास प्रश्वास र उच्च रक्त चापकोे समस्या थियो ।

ताप्लेजुङ जिल्ला अस्पतालमा उपचार गराईरहेका सावाँको आईतबार नेपाल वायुसेवा निगमको जहाज मार्फत काठमाण्डौं पठाउन खोजिए पनि सावाले जान नमानेपछि बेलुकीपख हेलिकोप्टरवाट पठाइएको थियो ।

नेकपा माले र राप्रपा सरकारमा रहेकावेला जनसंख्या तथा वातावरण मन्त्री भएका सॉवाले २०४६ को प्रजातन्त्र पछि ताप्लेजुङको क्षेत्रनम्बर २ वाट दुई पटक सांसद जितेका थिए । सावा २०६२ सालदेखि भने माओवादीमा प्रबेस गरी भुमिगत राजनीतिमा लागेका थिए । माओवादी भित्र पनि सॉवा आलोचक नेताको रुपमा रहेका थिए । सॉवाका दुई छोरा र पॉच छोरी रहेका छन ।