डेढ करोडको फलपूmल विक्रि

विर्तामोड १४ कात्तिक/ समय परिवर्तन हुँदै जाँदा मानिसले दसैंको बेलामा लाने गरेको कोसेलीको स्वरुप पनि बदलिदै गएको छ । विगत वर्षहरुमा दसैंमा आफन्तको टीका लगाउन जाँदा कोसेलीको रुपमा मिठाई तथा चिनी मिश्री लाने गरेको मानिसहरु यो वर्ष भने फलपूmलप्रति बढी आर्कषित भएका छन् ।  कृषि उपज बजार विर्तामोड झापाले यस वर्षको बडादसैं अवधिभरमा फलपूmलमात्रै डेढ करोड माथिको कारोवार गरेको जनाएको छ ।

दसैं अवधिभरमा एक लाख ६८ हजार केजी इन्डियन तथा ६६ हजार केजी चाईनिज स्याउ आयात भएको र केही प्रतिशत बाहेक अनय सबै विर्तामोड क्षेत्रमै खपत भएको कृषि उपज बजार सञ्चालन समितिका कार्यवाहक अध्यक्ष तिलबहादुर विष्टले जानकारी दिए । 

गतसालको तुलनामा समग्र बजारको कारोवार २० देखि २५ प्रतिशत कम भएपनि फलपूmलको बजार भने राम्रै्र रहेको विष्टको भनाई छ । विष्टका अनुसार विर्तामोड क्षेत्रमा १० जना होलसेल व्यापारी १४/१५ जना खुद्रा व्यापारी तथा ४० देखि ५० जना अन्य व्यापारी रहेको र उनीहरुले सो मुल्य बरावरको कारोवार गरेका हुन् । बजारमा डल्लो, डेलिसेस, रिफुजी, निशा, भेराइटी, चकलेटी लगायतका स्याउ विक्रि हुने गरेको र प्रतिकेजी गुणस्तर हेरी ३५ देखि ६० सम्ममा होलसेल विक्रि गरिने र व्यापारीहरुले प्रतिकेजी १३० सम्ममा विक्रि गर्ने गरेको विष्टले जनाएका छन् । 

हाल बजारमा स्याउ सुन्तला अनार, कोला, कागती, जुनार लगायतका फलपूmल विक्रि हुने गरेको विगत ८ वर्षअघिदेखि सोही ठाउँमा व्यावसाय सञ्चालन गर्दै आएकी फलपूmल व्यवसायी रीता भट्टराईले बताईन् ।