गोर्खाल्याण्ड आन्दोलनको नयाँ कार्यक्रम

काँडभिट्टा – गोर्खा जनमुक्ति मोर्चाल तत्काल अन्तरिम व्यवस्था लागु गर्न दवाव दिने उद्देश्यले आन्दोलनको नयाँ कार्यक्रम घोषणा गरेको छ । गोर्खाल्याण्डको मुख्य माग छाडेपछि मोर्चा अन्तरिम व्यवस्था भएपनि लागु गर्ने तरखरमा लागेको छ ।

मोर्चाका सहसचिव विनय तामाङका अनुसार अक्टोवर १४ देखि २१ तरिखसम्म आन्दोलन दार्जिलिङ, सिलिगुडीका साथै तराई र डुर्समा केन्द्रीत गरिने छ । विभिन्न स्थानमा धर्ना, जुलुस, भोक हड्ताललगायत आन्दोलन गरिने छ । त्यसका लागि दार्जिलिङ, कस्र्याङ, सोनादा, सौरेनी, कालिम्पोङ, सुकुना, पानीघट्टा, विजनवारीलगायतका पहाड र कालचिनी, वीरपाडा, जयगाउलगायतका डुवर्स क्ष्ँेत्रमा मोर्चाले कार्यकर्तालाई निर्देशन दिइसकेको  छ ।

मोर्चाले तराई  र डुवर्सलाई समेटेर आगामी डिसेम्वरभित्रमा अन्तरिम व्यवस्थामा लागु गर्न माग गरेको छ ।

तर, राज्य र केन्द्र सरकारले तराई डुवर्सलाई अन्तरिम व्यवस्थामा समेट्न नसकिने प्रष्ट पार्दै आएका छन् ।

मोर्चाले राज्य र केन्द्रसंग आज दिल्लीमा पहिलो राजनीतिक स्तरको त्रिपक्ष्ँिय वार्ता हुने जनाउदै आएपनि सीमानाका विषयको विवाद साम्ये हुन नसक्दा वार्ताको मिति सरेको छ । अर्को मिति तय भइसकेको छैन । ‘सीमाना विवाद नसुल्झिकन अर्को मिति तोकिने सम्भावना देखिदैन’, मोर्चाका एक नेताले जानकराी दिए । सरकारका गृहमन्त्री पी चिदम्वरमले हालै मोर्चाका अध्यक्ष्ँ विमल गुरुङसहितका नेताहरुसंगको भेटमा वंगालको विधानसभा चुनाव अघि नै अन्तरिम व्यवस्था लागु गर्ने आश्वासन दिएका थिए ।